ახალი ამბები

უკრაინის პრეზიდენტის თქმით, ჩინეთი რუსეთს აწვდის სხვადასხვა ტიპის შეიარაღებას და ხელს უწყობს სამხედრო-სამრეწველო კომპლექსის მუშაობას - ეს სრულმასშტაბიანი შეჭრის 3 წლის განმავლობაში, როდესაც ვოლოდიმირ ზელენსკიმ ჩინეთი პირდაპირ ამხილა რუსეთის სამხედრო დახმარებაში. 

State Of Play: ამის შესახებ ვოლოდიმირ ზელენსკიმ კიევში გამართუ ბრიფინგზე განაცხადა. პრეზიდენტის ციტატას ინტერფაქს უკრაინა ავრცელებს. 

• "ჩვენ მივიღეთ ინფორმაცია, რომ ჩინეთი შეიარაღებას აწვდის რუსეთს, ჩვენი მონაცემებით საუბარია დენთზე, საუბარი არტილერიაზე, ვფიქრობ ამ ყველაფერზე დეტალურად საუბარს მომდევნო კვირას შევძლებთ. ჩვენ ვფიქრობთ, რომ ჩინეთის წარმომადგენლები რუსეთში შეიარაღებას აწარმოებენ"- ამბობს ზელენსკი. 
  
  
• უკრაინელი პრეზიდენტის თქმით, ბოლო სატელეფონო საუბარში ჩინეთის ლიდერი დაჰპირდა, რომ რუსეთს შეიარაღებას არ გადასცემდა - "მაგრამ სამწუხაროდ დღეს ჩვენ სხვა სინამდვილეს ვხედავთ, ჩვენ გვაქვს კონკრეტული ფაქტები, ცუდი ფაქტები. 

Big Picture: გასულ კვირას ცნობილი გახდა, რომ უკრაინის შეიარაღებულმა ძალებმა დონეცკის ოლქში ტყვედ აიყვანეს საოკუპაციო არმიის რიგებში მებრძოლი ჩინეთის 2 მოქალაქე. 

• ვოლოდიმირ ზელენსკიმ განაცხადა, რომ მის ხელთ არსებული ინფორმაციით რუსეთის არმიის რიგებში როგორც მინიმუმ რამდენიმე ასეული ჩინელი იბრძვის. 

Context: მედიაში გავრცელებული ცნობების გამოხმაურებისას ჩინეთის საგარეო სამინისტროს სპიკერმა განაცხადა, რომ ქვეყანა არ ახალისებს მისი მოქალაქეების ჩართვას უცხოეთში მიმდინარე შეიარაღებულ კონფლიქტებში.