ახალი ამბები

დემონსტრაციებისა და სამოქალაქო არეულობის ახალი ტალღის მოლოდინში საფრანგეთის ქუჩებში 70 ათასი პოლიციელი განათავსეს. 

ვითარების არსი: ინფორმაციას ამის შესახებ ქვეყნის შინაგან საქმეთა სამინისტრო ავრცელებს. 

• შინაგან საქმეთა მინისტრის, ლორენ ნუნესის ცნობით, გასულ უქმეებთან შედარებით ქუჩებში პოლიციელების რაოდენობა 20%-ით არის გაზრდილი. 
  
  
• მისი თქმით, საუბარია განსაკუთრებულ დანაყოფებზეც, რომლებიც ანტი-ტერორისტულ მისიებში მონაწილეობენ - ისინი დაიცავენ სახელმწიფო შენობებსა და სატრანსპორტო კვანძებს. 
  

ჩაშლილად: გასულ 24 საათში საგრძნობლად დაიძაბა, მას შემდეგ რაც პარიზის მახლობლად მდებარე ქალაქ ტრაპესში შეირაღებულმა პირმა მოკლა 1 და დაჭრა 5 ადამიანი - საფრანგეთის პრეზიდენტმა თავდასხმას რასობრივად მოტივირებული უწოდა. 

• საპროტესტო დემონსტრაციები დროებით აკრძალეს ნიცასა და ლიონში. 
  
  
• გამოსვლებისთვის ნებართვა გასცეს პარიზისა და მარსელის მუნიციპალიტეტებებმა, რადგანაც აქციებს პროფკავშირები აორგანიზებენ - მიიჩნევა, რომ ის ჯგუფები გაცილებით უფრო ეფექტურები არიან ძალადობრივი ჯგუფების შეკავებაში. 
  
  
• პარიზსა და მარსელში საპროტესტო გამოსვლების ნებართვა ქალაქის საქმიანი ცენტრიდან მოშორებით გაიცა. 
  

დიდი სურათი: საფრანგეთის მთავრობაში ამბობენ, რომ გასულ კვირას განვითარებული არეულობების მთავარი მიზეზი სწორედ პოლიციელთა უკმარისობა იყო, რის შედეგადაც ძალადობრივმა ჯგუფებმა დაარბიეს და გაძარცვეს რამდენიმე ათასი მაღაზია = ჯამურად დაკავებულია 2400 ადამიანი. 

• შინაგან საქმეთა მინისტრის თქმით, ძალადობრივი ქმედებების უკან ახალგაზრდული რადიკალ-მემარცხენე დაჯგუფებები დგანან და ისინი მსგავს ქმედებებს ამ უქმეებზეც გეგმავდნენ. 
  
  
• ამაზე მეტი (90 ათასი) პოლიციელი საფრანგეთის ქუჩებში მხოლოდ 2018 წელს მიმდინარე "ყვითელი ჟილეტების" აქციების დროს განათავსეს. 
  

კონტექსტი: მიმდინარე გამოსვლები საფრანგეთში თავდაპირველად ლიცეუმების მოსწავლეების პროტესტით დაიწყო, რომლებიც განათლების სისტემის დაფინანსების გაზრდას და საგანმათლებლო სისტემის რეფორმას ითხოვდნენ. 

• გასული კვირის საპროტესტო აქციების ორგანიზატორები არ ყოფილან პროფესიული ჯგუფები - აქციების უმეტესობა სოციალური მედიის გამოყენებით დაიგეგმა.