ახალი ამბები

ვოლოდიმირ ზელენსკის თქმით, დაუშვებელია რუსეთთან ეკონომიკურ შეთანხმებებს გეგმავდე და ამავდროულად დიპლომატიურ ჩიხზე საუბრობდე - ამგვარად უკრაინელი პრეზიდენტი მარკო რუბიოს განცხადებას გამოეხმაურა. 

ვითარების არსი: ცოტა ხნით ადრე, ამერიკის სახელმწიფო მდივანმა განაცხადა, რომ რუსეთ-უკრაინის ომის დასრულება ამ ეტაპისთვის შეუძლებელია, რადგანაც კონფლიქტი "სტრატეგიულ ჩიხში" შევიდა. 

• რუბიოს თქმით, ომის დასრულება შეუძლებელია რადგანაც რუსეთი კვლავ ითხოვს დონბასის სრულ კონტროლს, ხოლო უკრაინა უარს ამბობს ამ მოთხოვნის შესრულებაზე. 

ჩაშლილად: "არ შეიძლება ერთის მხრივ რუსებთან სამომავლო ეკონომიკურ შეთანხმებებზე ლაპარაკობდე და მეორე მხრივ ამბობდე, რომ დიპლომატიურ ჩიხში ვართ. ჩვენ არ ვართ ჩიხში. დაუხურეთ რუსეთს ეკონომიკა, ამოუკერეთ მათ პირი..."- განაცხადა ზელენსკიმ. 

• უკრაინელი ლიდერის თქმით, ომის დასასრულებლად საჭიროა უპირატესობა ჰაერში, რომლის უზრუნველჰყოფაც ვაშინგტონს შეუძლია - "მოგვეცით შესაბამისი საშუალებები, დაგვეხმარეთ დავიცვათ ჩვენი ცა და მოვიპოვოთ უპირატესობა  და პუტინი დაჯდება მოლაპარაკებების მაგიდასთან." 
  
  
• ზელენსკის თქმით, საუბარია არა იმდენად ჩიხზე, რამდენადაც იმაზე, რომ ამერიკას არ აქვს შესაბამისი სურვილი. 
  

კონტექსტი: ვაშინგტონის მედიაციით რუსეთ-უკრაინის ომის დარეგულირების მცდელობები სექტემბერის დასაწყისში განახლდა, როდესაც პრეზიდენტ ტრამპის ემისრები, სტივ უიტკოფი და ჯარედ კუშნერი ჯერ მოსკოვს და შემდეგ კიევს ეწვივნენ. 

• ამერიკელი პრეზიდენტის სპეციალური წარმომადგენლების ვიზიტის დასრულების შემდეგ დასავლური პრესა წერდა, რომ სამმხრივი მოლაპარაკებები შესაძლოა ოქტომბერში განახულებულიყო, თუმცა ამ დროისთვის კონკრეტული შეთანხმების შესახებ ინფორმაცია არ არსებობს. 
  
  
• პარალელურად რამდენიმე დასავლური გამოცემა წერდა, რომ ტრამპის ადმინისტრაციასთან დაახლოებული პირები აქტიურად აწარმოებენ მოლაპარაკებებს კრემლთან სამომავლო ეკონომიკურ შეთანხმებებზე. 
  
  
• ძირითადად საუბარია თანამშრომლობაზე ენერგეტიკულ სექტორში.