ახალი ამბები

ინფორმაციას Financial Times ოთხ ინფორმირებულ წყაროზე დაყრდნობით ავრცელებს.

ვითარების არსი: წინადადება გასულ კვირას მაიამიში გამართულ შეხვედრაზე დონალდ ტრამპის წარმომადგენლებმა, სტივ უიტკოფმა და ჯარედ კუშნერმა წარადგინეს.

• შეხვედრას უკრაინის, საფრანგეთის, გერმანიის, დიდი ბრიტანეთის, ევროკავშირისა და NATO-ს წარმომადგენლები ესწრებოდნენ.

• აშშ-ის ერთ-ერთი წინადადება გაყინული აქტივების ვაშინგტონის ზედამხედველობის ქვეშ მოქმედ სპეციალურ ფინანსურ ფონდში გადატანას ითვალისწინებდა.

• ევროპელმა წარმომადგენლებმა ინიციატივა უარყვეს და აქტივებზე კონტროლის დათმობასა და მათი ნაწილის რუსეთისთვის დაბრუნებას დაუპირისპირდნენ.

რას ამბობს ევროპა: გერმანიის კანცლერმა ფრიდრიხ მერცმა განაცხადა, რომ ევროპაში გაყინული რუსული აქტივები ევროპაშივე უნდა დარჩეს.

• "ეს ჩვენი საკითხია და გადაწყვეტილებას ჩვენ ვიღებთ", - აღნიშნა მერცმა.

რატომ არის მნიშვნელოვანი: 2022 წელს დასავლეთმა რუსეთის დაახლოებით 260 მილიარდი ევროს სახელმწიფო აქტივები გაყინა, რომელთა უდიდესი ნაწილი ევროკავშირში ინახება.

• უკრაინამ ამ აქტივებიდან მიღებული საპროცენტო შემოსავლების უზრუნველყოფით G7-ისგან 45 მილიარდი ევროს სესხი მიიღო.

• ევროკავშირის ქვეყნების ნაწილი თავად გაყინული აქტივების გამოყენებას სამართლებრივი რისკების გამო ეწინააღმდეგება.

• აქტივების განბლოკვას ევროკავშირის 27-ვე წევრის თანხმობა სჭირდება, რაც ნაკლებად სავარაუდოა.

დიდი სურათი: მსგავსი წინადადება ტრამპის ადმინისტრაციის 28-პუნქტიან სამშვიდობო გეგმაშიც შედიოდა, თუმცა მხარდაჭერა ვერ მოიპოვა.

• კრემლი გაყინული აქტივების დაბრუნებას მოითხოვს და ამისთვის სამართლებრივი მექანიზმების გამოყენებას გეგმავს.