ახალი ამბები

პარიზის მთავარ რკინიგზის სადგურთან ფრანგი ჯარისკაცი დაჭრეს. საფრანგეთის შინაგან საქმეთა მინისტრმა ჟერალდ დარმანინმა განაცხადა, რომ თავდამსხმელი დაკავებულია.

მისი თქმით, ჯარისკაცის სიცოცხლეს საფრთხე არ ემუქრება, ხოლო პოლიციის წყარომ AFP-ს განუცხადა, რომ მას მხრის არეში ჭრილობა აქვს მიყენებული.

პარიზის ჩრდილოეთში მდებარე Gare de l'Est-ის სადგურზე თავდასხმა ოლიმპიური თამაშების დაწყებამდე ორი კვირით ადრე მოხდა.

"ჩვენი ფიქრები ამაღამ Gare de l'Est-ზე დაშავებულ ჯარისკაცთანაა," - დაწერა შეიარაღებული ძალების მინისტრმა სებასტიან ლეკორნუ X-ზე.

მისი თქმით, დაჭრილი სამხედრო მონაწილეობდა სპეციალურ სამხედრო ოპერაციაში პარიზში იმ ადგილების დასაცავად, რომელთანაც 2015 წელს სატირულ გაზეთ Charlie Hebdo-ზე ისლამისტების თავდასხმები მოხდა.