ახალი ამბები

რუსეთის უმსხვილესი სანავთობო კომპანიის მმართველები ღელავენ, რომ ომის რამდენიმე თვით გაგრძელებაც სერიოზულ და გრძელვადიან ზიანს მიაყენებს კომპანიის ინტერესებს. 

ვითარების არსი: ინფორმაციას ამის შესახებ Bloomberg "როსნეფტის" შიდა დოკუმენტებზე დაყრდნობით ავრცელებს - რომელშიც საუბარია მკვეთრად გაუარასებულ ვინანსურ მაჩვენებლებზე. 

• კომპანიის წინაშე არსებული გამოწვევების მთავარი მიზეზი მათ კუთვნილ ნავთობგადამამუშავებელ საწარმოების წინააღმდეგ უკრაინული დრონების დარტყმებია. 
  

ჩაშლილად: "როსნეფტი" ჯამურად 12 ნავთობგადამამუშავებელ საწარმოს ფლობს, რაც რუსეთის მთლიანი ნავთობგადამამუშავებელი სიმძლავრის მესამედს აღემატება. 

• Bloomberg-ის მონაცემებით, გასულ სექტემბერს უკრაინის მიერ დაზიანებული 15 ნავთობგადამამუშავებელი საწარმოდან 5 სწორედ "როსნეფტს" ეკუთვნოდა. 
  
  
• წყაროების ცნობით, დაზიანებული საწარმოების უმეტესობა თვეების განმავლობაში ვერ ახერხებს მუშაობის აღდგენას, ან ამას მხოლოდ ნაწილობრივად აკეთებენ. 
  
  
• საწარმოების რემონტს მნიშვნელოვნად აფერხებს სასანქციო რეჟიმი - მნიშვნელოვანი დანადგარების უმეტესობა დასავლური წარმოებისაა, რუსეთი იძულებულია დაეყრდნოს ან თავის ანალოგებს ან ჩინურ იმპორტს - რაც მკვეთრად აძვირებს და აჭიანურებს პროცესს. 
  
  
• კომპანიის მოგება მიმდინარე წლის პირველ ნახევარში 20%-ით არის შემცირებული, მათ შორის მკვეთრად დაეცა კატარული საინვესტიციო ჰოლდინგის მიერ მიღებული დივიდენდების მოცულობა, რომელეცის "როსნეფტის" 18%-ს ფლობს. 
  

დიდი სურათი:  სწორედ "როსნეფტისა" და ჯამურად რუსეთის სანავთობო სექტორის წინაშე არსებული სირთულეების გამო გახდა კრემლის მთავარი პრიორიტეტი უკრაინული დარტყმების შეჩერება ქვეყნის ნავთობგადამამუშავებელ საწარმოებზე. 

• Bloomberg-ის წყაროების ცნობით, ამის მიღწევას კრემლი დონალდ ტრამპის მეშვეობით ცდილობს.