ახალი ამბები

The Wall Street Journal წყაროებზე დაყრდნობით წერს, რომ ტრამპის ადმინისტრაცია უნგრეთის ექს-პრემიერს, ვიქტორ ორბანს, გაეროს გენერალური მდივნის პოსტზე მოიაზრებს და რუსეთისა და ჩინეთის მხარდაჭერის იმედი აქვს.

ვითარების არსი: გამოცემა აღნიშნავს, რომ აშშ-მა არა მხოლოდ დაუჭირა მხარი უნგრეთის ყოფილ პრემიერ-მინისტრს, არამედ ეს იდეა თავად შესთავაზა მას.

• ტრამპის ადმინისტრაციის დროს სახელმწიფო დეპარტამენტის ერთ-ერთი თანამშრომელი აღიარებს, რომ ერთი შეხედვით ეს გიჟურად ჟღერს. თუმცა, ვაშინგტონთან წინასწარი მოლაპარაკებების თანახმად, ითვლება, რომ რუსეთი და ჩინეთი მხარს უჭერენ ამ იდეას და გეგმაშია, რომ ორბანი მათ საერთო კანდიდატად იქცეს.
• აშშ-ისა და კიდევ ერთი ქვეყნის ოფიციალურმა პირებმა განაცხადეს, როდესაც აშშ, რუსეთი და ჩინეთი გაეროს უშიშროების საბჭოში ერთსა და იმავე მიზანს ისახავენ, როგორც წესი, აღწევენ კიდეც მას.

სტრიქონებს შორის: სახელმწიფო დეპარტამენტის წარმომადგენელმა დაითვალა უშიშროების საბჭოს რვა ხმა, რომელსაც ორბანი "პრობლემების გარეშე მიიღებს და საბჭოს 15 წევრიდან კიდევ 10 ხმა, რომელთა მიღებაც შესაძლებელი იქნება.

• ამერიკელმა ოფიციალურმა პირმა განაცხადა, რომ ორბანი "იდეალური კანდიდატია კონსერვატორებისთვის, რომლებიც მხარს უჭერენ MAGA-ს მოძრაობას."
• მასალაში ნათქვამია, რომ ეს დიდწილად უკავშირდება მის პოლიტიკას მასობრივი მიგრაციის, ლიბერალური არასამთავრობო ორგანიზაციების, ასევე მემარცხენე სასამართლოებისა და მედიის წინააღმდეგ.
• გარდა ამისა, როგორც გამოცემა აღნიშნავს, ორბანი ხშირად შედიოდა კონფლიქტში ევროკავშირთან, თუმცა ამავდროულად იღებდა მისგან სარგებელს სუბსიდიების სახით, ხოლო მის პროჩინურ ორიენტაციას არასოდეს შეულახია მისი, როგორც დასავლური ცივილიზაციის დამცველის, იმიჯი.

ჩაშლილად: მოსალოდნელია, რომ თუ ორბანი წამოაყენებს თავის კანდიდატურას, აშშ-ის პრეზიდენტი დონალდ ტრამპი და ვიცე-პრეზიდენტი ჯეი დი ვენსი მას დაუჭერენ მხარს, თუმცა, პროცესში ჩახედული წყაროს ცნობით, ამის შესახებ განცხადებას აშშ-ის შუალედური არჩევნების დასრულებამდე ელოდებიან.

• ამერიკელი ოფიციალური პირები პირველ რიგში ორბანს დაუკავშირდნენ, რათა შეეფასებინათ მისი დაინტერესება გაეროს ამ თანამდებობით. მათ დაადგინეს, რომ იგი დადებითად არის განწყობილი, თუმცა გარკვეული დათქმებით.
• გენერალური მდივნის პოსტის დანარჩენი კანდიდატები, ძირითადად "მდივნები" არიან - საერთაშორისო ბიუროკრატიასა თუ კულუარულ დიპლომატიაში მუშაობის გამოცდილებით. ორბანი კი "გენერალი" იქნება.
• სახელმწიფო დეპარტამენტის წარმომადგენელი დაეთანხმა ამას და ხაზი გაუსვა, რომ ორბანი იცავს სწორ იდეოლოგიას, შეუძლია საქმიანობის განხორციელება მტრულ გარემოში და არ დაემორჩილება ელიტის მხრიდან დაშინებას.

დიდი სურათი: აღსანიშნავია, რომ რამდენიმე დღის წინ ესპანეთის პრემიერ-მინისტრმა პედრო სანჩესმა ხაზი გაუსვა გაეროს რეფორმირებისა და პასუხისმგებლობის მექანიზმების გაძლიერების აუცილებლობას, რათა შეჩერდნენ მთავრობები და ძალები, რომლებიც არღვევენ საერთაშორისო წესებს და იწყებენ აგრესიულ ომებს.

• გაეროს უშიშროების საბჭოში ვეტოს უფლების გაუქმებისკენ მოწოდებები უკვე დიდი ხანია ისმის, განსაკუთრებით უკრაინაში რუსეთის სრულმასშტაბიან შეჭრის შემდეგ.
• უშიშროების საბჭოში ვეტოს უფლების გაუქმება თურქეთის პრეზიდენტმა რეჯეფ თაიფ ერდოღანმაც მოითხოვა.
• ხოლო გერმანიის საგარეო საქმეთა მინისტრმა იოჰან ვადეფულმა გააკრიტიკა გაეროს უშიშროების საბჭო იმის გამო, რომ ის უუნაროა მიიღოს გადაწყვეტილებები ცალკეული წევრების ვეტოს გამო.