ახალი ამბები

დონალდ ტრამპის თქმით, ალასკაში გასამართ შეხვედრაზე ვლადიმირ პუტინი უნდა დათანხმდეს ცეცხლის შეწყვეტას, ან მძიმე შედეგებთან გამკლავება მოუწევს. 

State Of Play: ამის შესახებ ამერიკელმა პრეზიდენტმა უკრაინისა და ევროპელ ლიდერებთან გამართული სატელეფონო საუბრის შემდეგ განაცხადა. 

• გასულ დღეებში დონალდ ტრამპი თავის შეფასებებში უჩვეულო სიფრთხილეს ავლენდა და ამბობდა, რომ გარღვევის შანსი არც ისე მაღალია - მისი თქმით, შეხვედრა უფრო სატესტო ხასიათის იქნება და შეეცდება უკეთ გაიგოს რა სურს ვლადიმირ პუტინს. 
  
  
• ამ განცხადებით ამერიკელმა პრეზიდენტმა პუტინთან დაგეგმილი შეხვედრის კონკრეტული მიზანი გამოაცხადა, რომელიც პუტინმა გასულ თვეებში არაერთხელ უარყო. 
  
  
• მსგავსი იყო ტრამპის პოზიცია ევროპელ ლიდერებთან საუბარშიც - ონლაინ კონფერენციის მონაწილეები კმაყოფილები დარჩნენ იმით, რომ პუტინთან შეხვედრაზე ტრამპის მთავარი მიზანი ცეცხლის შეწყვეტის უზრუნველჰყოფა იქნება. 
  
  

Big Picture: Axios-ის წყაროების ცნობით, ამავე სატელეფონო საუბარში ვოლოდიმირ ზელენსკიმ ტრამპს უთხრა, რომ პუტინის ნდობა არ შეიძლება და რომ რუსეთის პრეზიდენტი ბლეფობს. 

• თავის მხრივ ამერიკელმა პრეზიდენტმა განაცხადა, რომ არ აპირებს პუტინთან ტერიტორიული საკითხების განხილვას  და ეს მისი თქმით, "ვლადიმირისა და ვოლოდიმირის საქმეა." 
  
  
• წყაროების ცნობით, განსაკუთრებით ხისტი პოზიცია ეკავა ემანუელ მაკრონს, რომელმაც ამერიკელ კოლეგას უთხრა, რომ პუტინთან შეხვედრა ისედაც "დიდი დათმობაა."
  
  
• ონლაინ კონფერენციაში აქტიურები იყვნენ გერმანიის კანცლერი, ფრიდრიხ მერცი და ნატოს გენერალური მდივანი, მარკ რუტე - ასევე საჭირო საკითხები წამოჭრა იტალიის პრემიერ-მინისტრმა, ჯიორჯა მელონიმ. 
  
  
• წყაროს ცნობით, პოლონეთის ახლად არჩეულმა პრეზიდენტმა, კაროლ ნავროცკიმ ტრამპს 105 წლის წინ გამართული ვარშავის ბრძოლა შეახსენა, რომელშიც უკრაინელები და პოლონელები ბოლშევიკებს დაუპირსიპრდნენ. 
  
  

Break It Down: იმავე Axios-სთან საუბარში ადმინისტრაციის მაღალჩინოსნები ამბობენ, რომ ოპტიმისტურად არიან განწყობილნი, თუმცა ზომიერად. 

• თავის მხრივ ოპტიმიზმი დაკავშირებულია რწმენასთან, რომ ორივე მხარე დაღლილია და გამოფიტულია მიმდინარე ომით და ასეთ ვითარებაში შესაძლოა "გარიგების ხელოვნების" ამუშავდეს. 
  
  

Context: დონალდ ტრამპისა და ვლადიმირ პუტინის შეხვედრას რამდენიმეჯერ გამოეხმაურა უკრაინელი პრეზიდენტიც - ვოლოდიმირ ზელენსკის თქმით, რუსეთთან შეთანხმება უკრაინის მონაწილეობის გარეშე ვერ შედგება და კიდევ ერთხელ გამოთქვა მზაობა ვლადიმირ პუტინთან შეხვედრის. 

• ზელენსკისა და პუტინთან სამმხრივი შეხვედრის შესახებ არაერთხელ განაცხადა, თავად დონალდ ტრამპმაც - მისი თქმით, პარასკევის შეხვედრა სწორედ ამისთვის არის საჭირო. 
  
  
• ამასთანავე ტრამპმა განაცხადა, რომ პუტინთან გასამართი შეხვედრის წარუმატებლობის შემთხვევაში მეორე შეხვედრა შესაძლოა საერთოდაც არ შედგეს. 
  
  

Go Deeper: NBC: ტრამპმა ზელენსკის უთხრა, რომ პუტინთან ტერიტორიების საკითსზე არ ისაუბრებს