ახალი ამბები

ვლადიმირ პუტინმა დაადასტურა, რომ რუსეთი დათანმხდა ამერიკის შუამავლობით სამმხრივი მოლაპარაკებების განახლებას, რომელიც უსაფრთხოების გარანტიებს და ევროპის უსაფრთხოების არქიტექტურას მიეძღვნება.

ვითარების არსი: ამის შესახებ რუსეთის პრეზიდენტმა პირადი კორესპონდენტისთვის, პაველ ზარუბინისთვის მიცემულ ინტერვიუში განაცხადა. 

• ეს ვლადიმირ პუტინის პირველი საჯარო განცხადება იყო გასულ დღეებში ტრამპის სპეციალურ წარმომადგენელთან, სტივ უიტკოფთან გამართული შეხვედრის შემდეგ. 
  

ჩაშლილად: რუსეთის პრეზიდენტის თქმით, პროცესის მიზანია "უზრუნველყოს უკრაინისა და რუსეთის უსაფრთხოება" სამშვიდობო შეთანხმების მიღწევის შემდეგ. 

• ვლადიმირ პუტინი ამბობს, რომ ევროპის უსაფრთხოების არქიტექტურაზე მოლაპარაკებების დაწყების იდეა ამერიკულ მხარეს ეკუთვნოდა. 
  
  
• რუსეთ-უკრაინის ურთიერთობების პერსპექტივაზე საუბრისას პუტინმა თქვა, რომ "ყველაფერზე მოლაპარაკება შეიძლება" - მისი თქმით, "ბოლო გენეტიკური კვლევებით დასტურდება, რომ უკრაინელები და რუსები ერთი ერია."
  
  
• "ნებისმიერ შემთხვევაში, ჩვენ სპეციალური სამხედრო ოპერაციის ფარგლებში დასახულ მიზნებს მივაღწევთ"- დასძინა რუსეთის პრეზიდენტმა. 
  

დიდი სურათი: ევროპის უსაფრთხოების ახალი არქიტექტურის ჩამოყალიბება სრულმასშტაბიანი ომის დაწყებამდე, 2021 წლის შემოდგომაზე რუსეთის მიერ დასავლეთისთვის წაყენებული ულტიმატუმის ერთ-ერთი პუნქტი იყო.

• Wall Street Journal-ის ცნობით, პუტინის მიზანი გავლენების სფეროს პოლიტიკის დაბრუნება და იალტის მსგავსი ახალი შეთანხმებაა - წყაროების ცნობით, სწორედ ამ ჭრილში განიხილავს რუსეთის ლიდერი დიდი ოცეულის მოახლოებულ სამიტზე დონალდ ტრამპთან და სი ძინფინგთან შესაძლო შეხვედრას.