16:46 | 14 ნოემბერი, 2026 — უკრაინა
ზელენსკი: აშშ-მა პირველად იკითხა გაცვლის თუ არა უკრაინა დონბასს NATO-ზე
აშშ-მა პირველად წამოაყენა საკითხი უკრაინის ნატოში გაწევრიანების შესაძლებლობის შესახებ დონბასიდან უკრაინული ჯარების გასვლის სანაცვლოდ. - განაცხადა 14 ნოემბერს ჟურნალისტებთან შეხვედრაზე ვოლოდიმირ ზელენსკიმ.
რა თქვა: უკრაინის პრეზიდენტმა არ დააზუსტა, თუ ვინ კონკრეტულად ამერიკელი მომლაპარაკებლებიდან გამოვიდა ასეთი წინადადებით.
- "მე არაერთხელ მითქვამს: უკრაინა უკან არ იხევს და თავის მიწებს ტერორისტებს არ უთმობს. ამერიკელებმა დააყენეს საკითხი: "უკრაინა თუ ნატოში იქნება, უკრაინა გავა დონბასიდან?" ეს პირველად მოხდა". - მოჰყავს ზელენსკის სიტყვები "ინტერფაქს-უკრაინას".
- ზელენსკიმ აღნიშნა, რომ თუ აშშ ალიანსის სხვა წევრებთან ერთად დაადასტურებს უკრაინის ნატოში გაწევრიანების შესაძლებლობას, მაშინ ის მზადაა ეს საკითხი რეფერენდუმზე დააყენოს.
- მისი თქმით, უკრაინა დასავლელ პარტნიორებთან განიხილავს "უსაფრთხოების მთლიან პაკეტს, რომელიც მოლაპარაკებების დროს შეიძლება შეგვთავაზონ: კონკრეტული უსაფრთხოების გარანტიები ნატოსა და ევროკავშირისგან, ძლიერი უკრაინული არმია - ხოლო ეს არის სამხედროების შესაბამისი რაოდენობა, იარაღი, ფინანსური მხარდაჭერა გარკვეული დროის განმავლობაში".
- ამავდროულად, მან ხაზგასმით აღნიშნა, რომ თუნდაც ამ შემთხვევაში უკრაინა ოკუპირებულ ტერიტორიებს რუსეთის ნაწილად არ აღიარებს.
- დონალდ ტრამპის სპეცწარმომადგენელმა ჯარედ კუშნერმა აბუ-დაბიში სამმხრივი მოლაპარაკებების შემდეგ განაცხადა, რომ "ტერიტორიული საკითხები ყველაზე რთულად რჩება".
The Economist-ის ინფორმაციით, ამერიკელი მომლაპარაკებლები გამოთქვამდნენ იდეას დონეცკისა და ლუგანსკის ოლქების საზღვრების შეცვლის შესახებ რუსეთსა და უკრაინას შორის ტერიტორიების შესახებ გარიგების ფარგლებში.
გამოცემის თანამოსაუბრეების თქმით, იდეა მდგომარეობდა იმაში, რომ რუსეთს შეძლებოდა რეგიონების სრული დაპყრობის გამოცხადება, ხოლო უკრაინისთვის ამ დროს არ მოხდებოდა ტერიტორიების დათმობა. უკრაინამ ეს წინადადება უარყო.
დაკავშირებული თეგები
