ვიდეო

პოდკასტ „რუკა და ტერიტორიის“ მერვე ეპიზოდში „რეალპოლიტიკის“ აღმასრულებელი რედაქტორი აკა ზარქუა და ანალიტიკოსი გიორგი ლოლაძე ირანში მიმდინარე ომის გლობალურ გავლენებზე საუბრობენ.

ეპიზოდში განხილულია სპარსეთის ყურის ქვეყნების არაერთგვაროვანი პოზიციები ირანის წინააღმდეგ მიმდინარე ოპერაციის სტრატეგიასთან დაკავშირებით, ყურის ქვეყნებისა და აშშ-ის სამხედრო თანამშრომლობის პერსპექტივა, არაბული სახელმწიფოებისა და ისრაელის ურთიერთობების ნორმალიზების შესაძლო ახალი ეტაპი, ირანში მიმდინარე სამხედრო ოპერაციის გავლენა რუსეთ-უკრაინის ომზე, აშშ-სა და ევროპას შორის არსებული დაპირისპირება, ამერიკულ საზოგადოებაში ირანის ომის მიმართ ნეგატიური განწყობები და მათი გავლენა შუალედურ არჩევნებზე, ასევე ჩინეთისა და აშშ-ის კონკურენცია ირანის ომის კონტექსტში და მიმდინარე პროცესების გავლენა საქართველოზე.