ახალი ამბები

აშშ-ის წარმომადგენელთა პალატის ყოფილი სპიკერი ნენსი პელოსი მხარს უჭერს უკრაინისთვის F-16-ის საბრძოლო თვითმფრინავების მიწოდებას. ამის შესახებ მან 18 თებერვალს, მიუნხენის უსაფრთხოების კონფერენციაზე განაცხადა.

მან აღნიშნა, რომ აშშ-ს კონგრესში უკრაინის მიმართ ორპარტიული მხარდაჭერაა და გაიხსენა, რომ გაზაფხულზე, რუსეთის შემოჭრის დაწყების შემდეგ, კონგრესი "ყოველ რამდენიმე კვირაში" გამოსცემდა ამა თუ იმ საკანონმდებლო აქტს უკრაინის დახმარების შესახებ.

"ახლა ჩვენ გვინდა F-16-ის გადაცემა. მე ამას სრულად ვუჭერ მხარს და იმედი მაქვს, რომ ეს მოხდება", - თქვა პელოსიმ.

პოლიტიკოსმა ასევე გაკვირვება გამოთქვა, რომ F-16-ებზე საფრენად უკრაინელი პილოტების მომზადება ჯერ არ დაწყებულა.

"არ მესმის, რატომ არ შეგვიძლია ახლა მათზე წვრთნა, თუნდაც სრული [გადაცემის] ვალდებულება არ გვქონდეს, რადგან მომზადებას გარკვეული დრო დასჭირდება", - თქვა პელოსიმ.