ახალი ამბები

აშშ-ს სახელმწიფო დეპარკატმენტის სპიკერმა, მეთიუ მილერმა ჟურნმალისტ ალექს რაუფოღლის შეკითხვას საქართველოს არჩევნებში რუსეთის შესაძლო ჩარევას ეხებოდა, უპასუხა, რომ ამ საკითხს ფხიზლად აკვირდებიან.

„ჩვენ ვიხილეთ რუსეთის მხრიდან არამხოლოდ მცდელობები, არამედ პირდაპირი ჩარევა მთელ რეგიონსა და მსოფლიოში და ჩვენ ყოველთვის ფხიზლად ვაკვირდებით ამას. და მნიშვნელოვანია, რომ მხოლოდ ქართველმა ხალხმა გადაწყვიტოს საკუთარი ქვეყნის მომავალი“ - განაცხადა მეთიუ მილერმა.

• საქართველოს ხელისუფლების მიერ მიღებული ე.წ. რუსული კანონისა და მკვეთრად გახშირებული ანტიდასავლური რიტორიკის ფონზე, გრძელდება საქართველოს დასავლელი პარტნიორების მხრიდან საპასუხო ნაბიჯების გადადგმა.

• ამერიკის შეერთებულმა შტატებმა, საქართველოსთან ურთიერთობის გადახედვის ფარგლებში, სამხედრო სწავლება „ღირსეული პარტნიორი 2024“ განუსაზღვრელი ვადით გადადო. პენტაგონის ოფიციალური განცხადების თანახმად, გადაწყვეტილება გამოწვეულია საქართველოს მთავრობის ცრუ ბრალდებებით შეერთებული შტატებისა და სხვა დასავლური სუბიექტების მიმართ.