ახალი ამბები

რუსეთის პრეზიდენტი ვლადიმირ პუტინი აბუ დაბიში ჩავიდა, სადაც არაბეთის გაერთიანებული საამიროების პრეზიდენტს, შეიხ მოჰამად ბინ ზაიედს ხვდება.

დღესვე, ის საუდის არაბეთში გაემგზავრება, სადაც ქვეყნის ტახტის მემკვიდრესა და დე-ფაქტო მმართველს, მოჰამად ბინ სალმანს უნდა შეხვდეს.

შეხვედრა იმ ფონზე შედგება, როცა ნავთობის წარმოების შემცირების შესახებ OPEC-ის შეთანხმების მიუხედავად, ნავთობზე ფასი შემცირდა.

ნავთობის ფასს რუსეთისა და საუდის არაბეთის ეკონომიკისთვის საკვანძო მნიშვნელობა აქვს - ორივე ქვეყანაზე ჯამურად მსოფლიოს ნავთობის წარმოების 20% მოდის.

ვლადიმირ პუტინი 2019 წლის ოქტომბრის შემდეგ საუდის არაბეთში პირველად ჩადის.

"ამ ფორმატში რუსეთისა და საუდის არაბეთის ახლო კოორდინაცია ნავთობის მსოფლიო ბაზარზე სტაბილური და პროგნოზირებადი ვითარების შენარჩუნების სანდო გარანტიაა", - აცხადებენ კრემლში.

კრემლის სპიკერმა, დიმიტრი პესკოვმა განაცხადა ისიც, რომ უკვე ხუთშაბათს, 7 დეკემბერს, პუტინი კრემლში ირანის პრეზიდენტს, ებრეიმ რაისის მიიღებს.