ახალი ამბები

ამერიკის შეერთებული შტატების სახელმწიფო მდივნის თქმით, ტრამპის ადმინისტრაცია არ არის დაინტერესებული რუსეთთან სამშვიდობო მოლაპარაკებების გაჭიანურებით და უახლოეს კვირებში გასაგები გახდება მზად არის თუ არა კრემლი შეთანხმხებისთვის. 

State Of Play: ამის შესახებ მარკო რუბიომ ბრიუსელში, ნატოს საგარეო საქმეთა მინისტრელიაზე ისაუბრა. სახელმწიფო მდივნის თქმით, უკრაინამ გამოავლინა ცეცხლის შეწყვეტის შეთანხმებისთვისა და საგნობრივი მოლაპარაკებების დაწყების სრული მზაობა, ხოლო რუსეთმა ეს მზაობა საკუთარი ქმედებებით უნდა გამოავლინოს და არა სიტყვებით. 

• "ჩვენ საკმაოდ მალე გავიგებთ რამდენად სერიოზულად არის განწყობილი რუსეთი, საუბარია კვირებსა და არა თვეებზე. ვიმედოვნებ, რომ ისინი მზად არიან"- ამბობს რუბიო. 
  
  
• სახელმწიფო მდივნის თქმით, რუსეთის მხრიდან არსებობს იმედისმომცემი ნიშნები, თუმცა ყველაფერი დამოკიდებული იქნება ბრძოლის ველზე შექმნილ ვითარებაზე. 
  
  
• რუბიო აღნიშნავს, რომ ამერიკული ადმინისტრაცია არ არის დაინტერესებული მოლაპარაკებების გაჭიანურებით - "პრეზიდენტი ტრამპი არ გაეხვევა პუტინის უსასრულო მოლაპარაკებების მახეში მოლაპარაკებების შესახებ."

Big Picture: ამავე გამოსვლაში რუბიომ დაადუსტურა ვლადიმირ პუტინის წარმომადგენელთან კირილ დმიტრიევთან შეხვედრა. სახელმწიფო მდივანმა ხაზი გაუსვა, რომ საჭიროა შეთანხმება ადეკვატურ პირობებზე. 

• "თუ კი ჩვენ გავიღვიძებთ და აღმოვაჩენთ, რომ რუსეთის არმიამ ახალი მასშტაბური იერიში წამოიწყო, ეს საკმაოდ მკაფიო სიგნალი იქნება, რომ ისინი არ არიან დაინტერესებულები მშვიდობით."
  
  
• რუბიოს თქმით, ვაშიგტონმა უნდა გაარკვიოს რამდენად სერიოზულია რუსების განწყობა რათა სამომავლო პოლიტიკისა და ნაბიჯების კოორდინირება მოხდეს. 
  
  

Context: საოკუპაციო არმიის მიერ დაგეგმილ იერიშზე გასულ დღეებში აქტიურად წერდნენ უკრაინული წყაროები. ZSU-სთან დაახლოებული ტელეგრამ არხებისა და ტაქტიკურ-ოპერატიული დაჯგუფებების წარმომადგენლების ცნობით, საუბარია დაახლოებით 150-ათასიან დაჯგუფებაზე, რომლებიც ქალაქ ლიმანის მიმართულებით არიან თავმოყრილები და უახლოეს დღეებში იერიშის დასაწყებად ემზადებიან.