ზელენსკიმ და ალიევმა რეგიონული უსაფრთხოებისა და თანამშრომლობის საკითხები განიხილეს
21 მაისს, უკრაინის პრეზიდენტმა ვოლოდიმირ ზელენსკიმ აზერბაიჯანის პრეზიდენტ ილჰამ ალიევთან რეგიონული უსაფრთხოებისა და ორმხრივი თანამშრომლობის საკითხები განიხილა.
"ჩვენ გვაქვს პერსპექტიული პროექტები ენერგეტიკის, ვაჭრობისა და სხვა სფეროებში, ჩვენ დავავალეთ გუნდებს გაააქტიურონ მუშაობა მათ განხორციელებაზე და კოორდინირება გაუწიონ მომავალ ერთობლივ ღონისძიებებს," - აღნიშნა ზელენსკიმ დეტალების დაკონკრეტების გარეშე.
აზერბაიჯანის პრეზიდენტის ადმინისტრაციის ცნობით, სატელეფონო საუბრისას სახელმწიფოს მეთაურებმა რეგიონული უსაფრთხოებისა და ენერგეტიკის, ვაჭრობისა და სხვა სფეროებში ორმხრივი თანამშრომლობის საკითხები განიხილეს.
თებერვალში, უკრაინისა და აზერბაიჯანის პრეზიდენტები მიუნხენის უსაფრთხოების კონფერენციის ფარგლებში შეხვდნენ და რუსულის ნაცვლად, ინგლისურად ისაუბრეს.
ბაქო უკრაინას ჰუმანიტარულ დახმარებას სრულმასშტაბიანი ინტერვენციის დაწყებიდან აწვდის, მაგრამ უარს ამბობს იარაღის გაგზავნაზე. აზერბაიჯანის ოფიციალური პირები მხარს უჭერენ უკრაინის ტერიტორიულ მთლიანობას, მაგრამ უარს არ ამბობენ რუს კოლეგებთან კონტაქტებზე.
ჯერ კიდევ 2022 წლის აპრილში ზელენსკიმ განაცხადა, რომ მას ესმის აზერბაიჯანის პოზიცია უკრაინის ომთან დაკავშირებით.
.png)
