ახალი ამბები

ამერიკის შეერთებულმა შტატებმა და დანიამ მიაღწიეს შეთანხმებას გრენლანდიის უსაფრთხოების დაცვასთან დაკავშირებით. 

ვითარების არსი: ამის შესახებ ამერიკის პრეზიდენტი დონალდ ტრამპი საკუთარ სოციალურ ქსელში (Truth) წერს. 

• "მოხარული ვარ გაცნობოთ, რომ ამერიკის შეერთებულმა შტატებმა, დანიის სამეფომ და გრენლანდიამ მიაღწიეს შეთანხმებას, რომელიც კუნძულის უსაფრთხოებასა და ყველა სხვა საჭიროებაზე მუდმივ კონტროლს ანიჭებს შეერთებულ შტატებს"- წერს ტრამპი. 
  
  
• მისი თქმით, შეთანხმება ითვალისწინებს ვაშინგტონის მიერ წარსულში წამოჭრილ ყველა პრობლემურ საკითხს და ამაში შტატები დამატებით ფულს არ გადაიხდიან. 

ჩაშლილად: ტრამპის განცხადებას გამოეხმაურა დანიელი პრემიერ-მინისტრის ოფისი, სადაც განაცხადეს, რომ "დიდ შეთანხმებას" მხარეები ხელს მომდევნო კვირას გაეროს გენერალურ ასამბლეაზე მოაწერენ. 

• მეტე ფრედირიქსენის კანცელარიაში დასძინეს, რომ შეთანხმება სასარგებლო იქნება როგორც ნატოსთვის, ასევე მთლიანად ევროპისთვის.
• 
  
• "შეთანხმება ითვალისწინებს გრენლანდიის ინტერესებს და ჩვენს ადგილს საერთაშორისო თანამშრომლობაში. ეს     სასარგებლო იქნება ყველა ჩვენგანისთვის"- განაცხადა კუნძულის პრემიერ-მინისტრმა, იენს-ფრედერიკ ნილსენმა. 

დიდი სურათი: ტრამპის თქმით, აშშ გრენლანდიაში ახალ, დიდ სამხედრო ბაზას ააშენებს და ვაშინგტონს ექნება ვეტოს უფლება სხვა ქვეყნების სამხედრო წარმომადგენლობის განთავსებაზე. 

• Fox News-ის წყაროს ცნობით, შეთანხმება იმოქმედებს იმ შემთხვევაშიც, თუ გრენლანდია ოდესმე დამოუკიდებელი სახელმწიფო გახდება. 

კონტექსტი: გრენლანდიის შესყიდვასა თუ სხვა ფორმით მიღებაზე დონალდ ტრამპი თავის პირველ საპრეზიდენტო ვადაშიც საუბრობდა, თუმცა სწორედ მეორე ვადის დასაწყისში გავრცელებული განცხადებები გახდა მნიშვნელოვანი დაძაბულობის საფუძველი ამერიკასა და მის ევროპელ პარტნიორებს შორის.