ახალი ამბები

სტივ უიტკოფი და ჯარედ კუშნერი რუსეთ-უკრაინის ომის დასარეგულირებლად ახალ ინიციატივებს ამზადებენ - გაიმართება შეხვედრა უკრაინელ და ევროპელ მაღალჩინოსნებთან. 

ვითარების არსი: ინფორმაციას ამის შესახებ Axios საკუთარ წყაროებზე დაყრდნობით ავრცელებს - უკრაინელ და ევროპელ კოლეგებთან შეხვედრა მაიამიში დღეს გაიმართება. 

• ახალი ინიციატივების შესახებ კუშნერი და უიტკოფი უკვე ესაუბრნენ პრეზიდენტ ტრამპს - დისკუსიებში მონაწილეობდნენ ხაზინის მდივანი, სკოტ ბესენტი და ეროვნული უსაფრთხოების მრჩეველი, მაიკ ნიდჰემი. 
  
  
• გეგმის მიხედვით კონსულტაციები 2 დღის განმავლობაში გაგრძელდება. 

ჩაშლილად; წყაროს ცნობით, ტრამპის ადმინისტრაციაში იმედოვნებენ, რომ დიპლომატიურ გარღვევას უახლოეს მომავალში, 3 ნოემბერს დაგეგმილ შუალედურ არჩევნებამდე მიაღწევენ. 

• "ისინი ზამთრის მოახლოებაზე ღელავენ. მძიმე ზამთარი იქნება. ამერიკა ცდილობს შუამავლობას რათა შექმნას ერთიანი წინადადება"- ამბობს წყარო. 
  
  
• განიხალება ნაწილობრივი ზავის იდეა, რომლის მიხედვითაც შეჩერდება დარტყმები ენერგეტიკულ ობიექტებსა და მარცვლეულის საზღვაო ექსპორტზე. 
  
  
• უკრაინული მხარე თანახმაა წინადადებაზე, თუმცა კრემლი უკვე თვეებია უარს ამბობს ნებისმიერ ფორმატზე და საუბრობს კონფლიქტის ყოვლისმომცველი დარეგულირების აუცილებლობაზე. 
  
  
• უკრაინის მხრიდან მოლაპარაკებებში ჩაერთვებიან პრეზიდენტის ოფისის უფროსი, კირილო ბუდანოვი, საგარეო დაზვერვის უფროსი, რუსტემ უმეროვი და საპარლამენტო უმრავლესობის ლიდერი, დავიდ არახამია და ზელენსკის დიპლომატიური მრჩეველი სერგეი კისლიცა. 
  
  
• მიწვეულები არიან, გაერთიანებული სამეფოს, საფრანგეთის და გერმანიის ეროვნული უსაფრთხოების გუნდების, ნატოსა და ევროკავშირის მაღალჩინოსნები. 
  

დიდი სურათი: ტრამპის ადმინისტრაციამ რუსეთ-უკრაინას შორის შუამავლობის პროცესი გასულ სექტემბერს განაახლა, როდესაც სტივ უიტკოფი და ჯარედ კუშნერი ჯერ მოსკოვს და შემდეგ კიევს ეწვივნენ. 

• Axios-ის წყაროს ცნობით, კუშნერი და უიტკოფი შესაძლოა ოქტომბრის მიწურულს კიდევ ერთხელ გაემგზავრონ მოსკოვში.