ესტონეთის პრეზიდენტმა ქვეყანაში ნატოს ძალების რაოდენობის გაზრდა მოითხოვა. უკრაინის საზღვართან რუსეთის ჯარების მობილიზების ფონზე, ალარ კარისი ამას მნიშვნელოვან შემაკავებელ ფაქტორად მიიჩნევს.
"ჩვენ უფრო მეტი ნატოს ჯარისკაცი გვინდა ესტონეთში - თქვა კარისმა - ეს იქნება გარანტია იმისა, რომ არავინ დაგვესხმება თავს."
პრეზიდენტი მიესალმა დანიის გადაწყვეტილებას, გაზარდოს სამხედრო წარმომადგენლობა ლიეტუვაში.
დანიამ ქვეყანაში ნატოს მისიის ფარგლებში გამანადგურებლები განათავსა და ლიეტუვის საჰაერო სივრცეში პატრულირებაში ჩაერთვება.
_____________________
რუსეთის მიერ ყირიმის ანექსიის შემდეგ, ბალტიისპირეთის ქვეყნებში ნატოს 1000-ზე მეტი სამხედროა დისლოცირებული.
მოსკოვი რეგიონში ნატოს წარმომადგენლობის შემცირებას და გარანტიას ითხოვს, რომ საქართველო და უკრაინა არ გახდებიან ჩრდილო-ატლანტიკური ალიანსის წევრები.
