ახალი ამბები

აშშ-ის იუსტიციის დეპარტამენტის თანახმად, მათ გამოავლინეს რუსული სპეცსამსახურების ქსელი, რომელიც ევროპაში დივერსიებისა და ოპოზიციონერების მკვლელობებას ამზადებდა.

ვითარების არსი: საბრალდებო დასკვნის თანახმად, ეს ქსელი ეძებდა შემსრულებლებს რუს ოპოზიციონერებზე თვალთვალისა და მათი ლიკვიდაციისთვის, ასევე გასცემდა დავალებებს სამოქალაქო და სამხედრო ინფრასტრუქტურის ობიექტებზე დივერსიების განსახორციელებლად.

ჩაშლილად: აშშ-ის იუსტიციის დეპარტამენტის მონაცემებით, მიმდინარე წლის ზაფხულში ქსელმა პირი გადაიბირა აშშ-ში მცხოვრები ცნობილი რუსი ოპოზიციონერის მკვლელობისთვის:

• სამიზნის სახელი გასაიდუმლოებულია; უწყების ანგარიშში ის მითითებულია, როგორც "მსხვერპლი-1". მკვლელობისთვის შემსრულებელს 40 ათას დოლარს პირდებოდნენ.

• "მსხვერპლი-2" -  გასულ წელს ქსელი შემსრულებელს ლიეტუვაში მცხოვრები კიდევ ერთი რუსი ოპოზიციონერის მოსაკლავად ეძებდა.

ბრალდებულები: გამოძიების ფედერალური ბიუროს (FBI) ცნობით, ბრალი წარედგინა ხუთ პირს.

• იური ხრამეევი: 63 წლის, რუსეთის სპეცსამსახურების ყოფილი პოლკოვნიკი. სააგენტო "აგენსტვოს" თანახმად, იური ჩრდილო-დასავლეთის "ომონის" ყოფილი მეთაურია, რომელიც ამტკიცებს, რომ ახალგაზრდობაში ვლადიმირ პუტინთან ერთად მუშაობდა, მოგვიანებით კი ჯილდოები პირადად მისგან მიიღო.

• კირილ ხრამეევი: 27 წლის, იურის შვილი, რუსეთის უშიშროების ფედერალური სამსახურის მოქმედი ოფიცერი.

• ოემის რომაგოსა დურუტი: რუსეთში მცხოვრები კუბის მოქალაქე, რომელიც მოქალაქეების გადაბირებაში მონაწილეობდა.

• იაიდელ დელგადო სუარესი: კუბის მოქალაქე.

• ანხელ ედუარდო კასტრო: ვენესუელის მოქალაქე.

ბრალდების მუხლები: ყველა მათგანს ტერორიზმის დაფინანსების მიზნით შეთქმულებაში ედება ბრალი.

• იური ხრამეევს, სუარესსა და კასტროს დამატებით ედავებიან შეკვეთილი მკვლელობის ჩადენის მიზნით შეთქმულებაში მონაწილეობას.