დაეხმარე რეალპოლიტიკას

ახალი ამბები

19:00 | 18 ნოემბერი, 2026 — უკრაინა

გამანადგურებლები, საჰაერო თავდაცვა და მილიარდობით დოლარის დახმარება - "რამშტაინის" შედეგები

17 ნოემბერს ბრიუსელში უკრაინის თავდაცვის საკონტაქტო ჯგუფის 37-ე შეხვედრა გაიმართა, რომელზეც 15-მა ქვეყანამ ახალი სამხედრო დახმარება გამოაცხადა ან ადრე ნაკისრი ვალდებულებები დაადასტურა.

რატომ არის მნიშვნელოვანი: მთავარი პრიორიტეტი უკრაინის საჰაერო თავდაცვის გაძლიერება იყო.

  • უკრაინის თავდაცვის სამინისტროს ცნობით, ბელგია წლის ბოლომდე ათ F-16-ის ტიპის გამანადგურებელს, საფრანგეთი კი ორი Mirage 2000-5F ტიპის გამანადგურებლის გადაცემას გეგმავს.
  • სამხედრო დახმარება ასევე მოიცავს საზენიტო-სარაკეტო სისტემებს, რადარებს, რაკეტებს, საავიაციო და საარტილერიო საბრძოლო მასალას, მართვად საავიაციო ბომბებს, სხვადასხვა ტიპის დრონებსა და რადიოელექტრონული ბრძოლის საშუალებებს.

დეტალებში:

  • გერმანია: დამატებით $300 მილიონი ამერიკული შეიარაღების შესაძენად, PURL პროგრამის ფარგლებში. ასევე დადასტურდა ადრე გამოცხადებული €1-მილიარდიანი პაკეტი.

  • დანია: €645 მილიონი დრონების, F-16-ის საბრძოლო მასალისა და სხვა სამხედრო საჭიროებებისთვის. პაკეტი 10 ნოემბერს გამოცხადდა.

  • ნორვეგია: დაახლოებით $800 მილიონი საჰაერო თავდაცვის, დრონებისა და ამერიკული შეიარაღების შესაძენად.

  • ნიდერლანდები: €500 მილიონი ზამთრის სამხედრო დახმარებისთვის.

  • ესპანეთი: €400 მილიონზე მეტი სამხედრო დახმარებისთვის.

  • დიდი ბრიტანეთი: £240 მილიონი საჰაერო თავდაცვის გასაძლიერებლად, მათ შორის 1,000-ზე მეტი რაკეტისა და რადარების მისაწოდებლად.

დამატებითი დახმარება გამოაცხადეს ან დაადასტურეს ფინეთმა, შვედეთმა, კანადამ, ლიეტუვამ, ესტონეთმა, პორტუგალიამ და ლუქსემბურგმაც.

  • შეხვედრაზე განსაკუთრებული ყურადღება დაეთმო უკრაინისთვის Patriot-ისა და IRIS-T-ის რაკეტების მიწოდებას, დრონების წარმოების გაფართოებასა და ამერიკული შეიარაღების შესყიდვას.

მნიშვნელოვანია: გამოცხადებული თანხები მოიცავს როგორც ახალ დახმარებას, ისე ადრე დამტკიცებულ პაკეტებსა და სამომავლო ვალდებულებებს.

  • შესაბამისად, მათი შეკრება მხოლოდ ამ შეხვედრაზე გამოყოფილი ახალი დაფინანსების მოცულობას არ ასახავს.
price-tag icon დაკავშირებული თეგები

ასევე ნახე