ბოლო 2 საათში კიევის თავზე უკრაინის საჰაერო თავდაცვის ძალებმა რუსეთის საოკუპაციო ძალების ორი თვითმფრინავი ჩამოაგდეს. ამის შესახებ უკრაინის შეიარაღებული ძალების გენერალური შტაბის უფროსმა ვალერი ზალუჟნიმ Facebook-ზე დაწერა.
"უკრაინის შეიარაღებული ძალების საჰაერო თავდაცვამ 20:30 საათზე კიევის თავზე რუსეთის სამხედრო კოსმოსური ძალების თვითმფრინავი ჩამოაგდო, 21:10 საათზე კი მტრის მეორე თვითმფრინავი ქალაქის გარეუბანში, საჰაერო ბრძოლაში ჩამოაგდეს." - წერს ზალუჟნი.
ომის დაწყებიდან დღემდე უკრაინამ რუსეთის საჰაერო ძალების 46 თვითმფრინავი ჩამოაგდო.
