ახალი ამბები

2024 წლიდან რუსეთმა უკრაინის მოქალაქეების კუთვნილი უძრავი ქონების 34 000 ობიექტის კონფისკაცია მოახდინა ან კონფისკაციისთვის განსაზღვრა.

ამის შესახებ ნათქვამია BBC Verify-სა და BBC Russia-ს ერთობლივ გამოძიებაში.

ვითარების არსი: ამ რიცხვში შედის ბინები, სახლები, აგარაკები და კომერციული ფართები. ისინი გადასცეს ან გეგმავენ, რომ გადასცენ რუსული პასპორტის მფლობელებს.

• ზოგიერთ შემთხვევაში მათ დროებით იჯარით გადასცემენ ადგილობრივ მოხელეებს - მოსამართლეებს, სამხედროებსა და სახელმწიფო მოსამსახურეებს.
• ყველაზე მეტი ობიექტის კონფისკაცია მარიუპოლში მოხდა - 14 000. მეორე ადგილზეა ლუგანსკი, სადაც ჟურნალისტებმა ჩამორთმეული ობიექტების რაოდენობა 7 000 შეაფასეს, ხოლო მესამეზე - მელიტოპოლი 3 000 ასეთი ობიექტით.

ჩაშლილად: საოკუპაციო ხელისუფლება აქვეყნებს განცხადებებს საცხოვრებლის "უპატრონოდ" ცნობის შესახებ იმ უძრავი ქონების ხელახალი აღრიცხვის ფარგლებში, რომელიც რუსეთის მიერ კონტროლირებად ტერიტორიებზე მიმდინარეობს. ეს პროცესი 2024 წელს დაიწყო და მისი დასრულება 2026 წლის ბოლოსთვის იგეგმება.

• უკრაინელებს ქონების ჩამორთმევის შესახებ არ ატყობინებენ. მათ დამოუკიდებლად უწევთ საოკუპაციო ხელისუფლების ვებგვერდებზე განცხადებების მოძიება.
• "ეს არის სახლი, რომელიც მამაჩემმა დედაჩემისთვის ააშენა, სადაც ის ცხოვრობდა, და ეს არის ჩვენი მოგონებების ადგილი - ჩემი ბავშვობისა და მთელი ოჯახის მიერ ერთად გატარებული დროის შესახებ. უბრალოდ ვერ წარმოვიდგენ, რომ იქ ვინმე სხვა იცხოვრებს". - ამბობს BBC-ის ერთ-ერთი რესპოდენტი, რომელმაც სახლის ჩამორთმევის შესახებ ვებგვერდიდან შეიტყო.
• საკუთარი საცხოვრებლის დაბრუნება შესაძლებელია, თუმცა ამისთვის საჭიროა რუსული პასპორტის აღება და ოკუპირებულ ტერიტორიებზე 30 დღის განმავლობაში დაბრუნება. ადამიანები, რომლებიც ამ გზის გავლას რისკავენ, საზღვრებზე ხანგრძლივ დაკითხვებს აწყდებიან.