ახალი ამბები

ვოლგოგრადში აჯარიმებენ და აპატიმრებენ მოქალაქეებს, რომლებმაც საწვავის დეფიციტის თაობაზე საგამოძიებო კომიტეტის ხელმძღვანელ ალექსანდრ ბასტრიკინს კოლექტიური განცხადებით მიმართეს.

ამის შესახებ სასამართლოს ოქმებზე დაყრდნობით გამოცემა "მედიაზონა" წერს.  

ვითარების არსი: ვოლგოგრადის ცენტრალურმა რაიონულმა სასამართლომ 13 აგვისტოს ტატიანა სმეტანკო მასობრივ აქციაში მონაწილეობის ოქმის საფუძველზე 10 000 რუბლით დააჯარიმა.

• გარდა ამისა დაკავებულია კოლექტიური მიმართვის კიდევ ერთი ხელმომწერი - იურისტი ალექსეი სევასტიანოვი, რომელსაც პოლიციისთვის წინააღმდეგობის საბაბით ხუთდღიანი პატიმრობა შეეფარდა.
• მასზეც, ისევე როგორც ტატიანა სმეტანკოზე, შედგა ოქმი მასობრივ აქციაში მონაწილეობის შესახებ, თუმცა ვოლგოგრადის სასამართლომ მისი განხილვაზე უარი თქვა და საქმის მასალები ქალაქ ვოლჟსკიში გადააგზავნა, სადაც სევასტიანოვი დაიბადა.
• ასევე სასამართლოში დაიბარეს კიდევ ორი ხელმომწერი, მათთვის ბრალი ჯერ არ წაუყენებიათ.

კონტექსტი: 16 ივლისს, როკოსოვსკის ქუჩაზე მდებარე ერთ-ერთ ავტოგასამართ სადგურთან, ვოლგოგრადის ხუთმა მცხოვრებმა საგამოძიებო კომიტეტის თავმჯდომარის, ალექსანდრე ბასტრიკინის სახელზე საწვავის დეფიციტთან დაკავშირებით კოლექტიური ვიდეომიმართვა ჩაწერა.

• ვიდეოში მოქალაქეები საწვავის უსამართლო განაწილების შესახებ ლაპარაკობდნენ.
• "ჩვენთან ადმინისტრაცია საწვავის ბარათებით ავზს ბოლომდე ავსებს, ხოლო ქალაქის მოსახლეობას ხშირად უბრალოდ უარს ეუბნება. - ამბობს ერთ-ერთი მოქალაქე მიმართვაში.