ტრამპმა FIFA-ს პრეზიდენტ ინფანტინოს ამერიკელი ფეხბურთელის, ბალოგუნის დისკვალიფიკაციის გამო დაურეკა და წითელი ბარათის გამო მიღებული დისკვალიფიკაცია გააუქმებინა.
რატომ არის მნიშვნელოვანი: ფიფა-ს სადისციპლინო გადაწყვეტილებაში პრეზიდენტის პირდაპირი ჩარევა უკიდურესად იშვიათი და უპრეცედენტო მოვლენაა.
- სასჯელის გაუქმება ნიშნავს, რომ ამერიკელი თავდამსხმელი ფლეი-ოფის მატჩებში გუნდს დაეხმარება, არადა, წითელი ბარათის გამო, სულ მცირე, მოახლოებული თამაში უნდა გამოეტოვებინა.
- Axios-ის თანახმად, მანამ, სანამ ფიფა (FIFA) ამერიკელ თავდამსხმელ ფოლარინ ბალოგუნის წითელ ბარათსა და დისკვალიფიკაციას გააუქმებდა, პრეზიდენტი ტრამპი ორგანიზაციის ხელმძღვანელს, ჯანი ინფანტინოს ტელეფონით ესაუბრა.
დეტალურად: ამერიკელი მაღალჩინოსნის განცხადებით, ტრამპმა ინფანტინოსთან საუბრისას მოითხოვა დეტალური განმარტება, თუ რის საფუძველზე მიიღო ბალოგუნმა წითელი ბარათი და რატომ დაეკისრა მას ერთმატჩიანი დისკვალიფიკაცია.
- კვირას, სოციალურ ქსელ „Truth Social“-ში გამოქვეყნებულ პოსტში, ტრამპმა მადლობა გადაუხადა ფიფა-ს „სწორი ნაბიჯის გადადგმისთვის“ და აღნიშნა, რომ ამ გადაწყვეტილებით „დიდი უსამართლობა გამოსწორდა“.
- ტრამპის ამ ჩარევის შესახებ ინფორმაცია პირველად „The New York Times“-მა გაავრცელა.
კონტექსტი: ბალოგუნმა წითელი ბარათი ბოსნია-ჰერცეგოვინასთან მატჩში მიიღო, რომელიც აშშ-ის ნაკრებმა 2:0 მოიგო.
- ორშაბათს, მერვედფინალურ შეხვედრაში, აშშ-ის ნაკრები ბელგიას დაუპირისპირდება.
- ბელგიური მხარე „გაოგნებულია“ ფიფა-ს გადაწყვეტილებით, რომლითაც ბალოგუნს წითელი ბარათი გაუუქმდა.
დაკავშირებული თეგები
