ახალი ამბები

ნფლაციის მაღალი მაჩვენებლის თავიდან ასარიდებლად აშშ-ს ფედერალური რეზერვი მონეტარული პოლიტიკის გამკაცრების გაგრძელებაზე შეთანხმდა.

Fed-ის მაღალჩინოსნებმა ივლისში საპროცენტო განაკვეთის 50 ან 75 საბაზო პუნქტით გაზრდას დაუჭირეს მხარი.

შეხვედრის პროტოკოლის თანახმად, ფედერალური რეზერვში პრიორიტეტად ინფლაციის მაჩვენებლის მიზნობრივ, 2 პროცენტამდე დაბრუნება მიიჩნიეს.

გასულ თვეში აშშ-ს მთავარმა საბანკო ორგანომ მონეტარული პოლიტიკის განაკვეთი 75 საბაზო პუნქტით - 1.75 პროცენტამდე - გაამკაცრა, რაც 1994 წლის შემდეგ ყველაზე სწრაფ მატებას წარმოადგენს.

Fed-ის თავმჯდომარე ჯერომ პაუელმა შემდეგ სხდომაზე მსგავსი ნაბიჯის განმეორება არ გამორიცხა.

მაისის თვეში გასული წლის შესაბამის პერიოდთან შედარებით ამერიკაში ფასები 6.3 პროცენტით გაიზარდა, რაც მიზნობრივ მაჩვენებელს (2 %) მნიშვნელოვნად აღემატება.

პაუელი აღიარებს, რომ ინფლაციის შეკავება შრომის ბაზარზე დასაქმების მაღალი მაჩვენებლის შენარჩუნებასთან ერთად „გამოწვევა“ იქნება.