ახალი ამბები

უკრაინის პრეზიდენტი ვოლოდიმირ ზელენსკი საპრეზიდენტო რეიტინგში ლიდერებს. ამის შესახებ 24 იანვარს, კიევის სოციოლოგიის საერთაშორისო ინსტიტუტის მიერ გამოქვეყნებულ საზოგადოებრივი აზრის კვლევაში ვკითხულობთ.

საპრეზიდენტო არჩევნები დღეს რომ ტარდებოდეს, ზელენსკის გამოკითხულთა 23.5% დაუჭერდა მხარს.

მეორე ადგილზე ქვეყნის მეხუთე პრეზიდენტი, პეტრო პოროშენკოა 20.9%-ით.

ზელენსკისა და პოროშენკოს შორის სხვაობა სტატისტიკური ცდომილების ფარგლებშია.

მესამე ადგილზე პარტია "ბატკივშინას" ლიდერი, ყოფილი პრემიერი იულია ტიმოშენკოა - 11.8%.

მას მოსდევს პარტია "ძალა და ღირსებას" ლიდერი, უკრაინის სამხედრო დაზვერვის ყოფილი უფროსი იჰორ სმეშკო - 9.6%.

პრორუსული, "ოპოზიციური პლატფორმა - სიცოცხლისთვის" ლიდერ იური ბოიკოს კი 9.3% უჭერს მხარს.

დეკემბერში ჩატარებულ ანალოგიურ კვლევასთან შედარებით, პოროშენკოს რეიტინგი 4.2%-ით გაიზარდა, სმეშკოსი კი - 2.8%-ით.

კვლევა 20-21 იანვარს ჩატარდა.