ახალი ამბები

მიმდინარე წლის თებერვალში რუსეთის ფინანსთა მინისტრმა, ანტონ სილუანოვმა მინისტრთა კაბინეტს ბიუჯეტის ხარჯების გაყინვა მოსთხოვა.

ამის შესახებ გამოცემა The Financial Times წერს, რომელმაც მინისტრის მიმართვა მოიპოვა.

რას წერს FT: სილუანოვმა სამხედრო სფეროს გარდა ყველა სხვა ხარჯის გაყინვა მოითხოვა, რაც, ჯამში, 40.9 მილიარდ დოლარს შეადგენს.

• ფინანსთა მინისტრის თქმით, 2028 წლისთვის ომის ხარჯები 100 მილიარდ დოლარამდე გაიზრდება.
• სილუანოვმა მთავრობას მიმართა წინადადებით, რომ ირანში აშშ-სა და ისრაელის მიერ ომის დაწყებამდე, შესაბამისად, რუსულ ნავთობზე სანქციების შემსუბუქებამდე, შესაბამისი ზომები გაატარონ. მიუხედავად ამისა, ეს შემოსავალი კრემლის მიერ წარმოებული ომის ხარჯებს ვერ დაფარავს.
• ორი დღის წინ რუსულ მედიაში გამოქვეყნდა სილუანოვის ინტერვიუ, რომელშიც მინისტრმა ბიუჯეტის კორექტირების შესახებ ილაპარაკა.
• ამასთან, მინისტრმა განაცხადა, რომ "რუსულ ფინანსურ სისტემაში სუსტი წერტილები არ არის".

სტრიქონებს შორის: სხვადასხვა კვლევების თანახმად, რუსეთის საომარი ხარჯები წლიდან წლამდე გეომეტრიულად იზრდება.

• მაგალითისთვის, საერთაშორისო უსაფრთხოების პრობლემების გერმანული ინსტიტუტის მეცნიერის, იანის კლიუგეს გათვლებით, 2025 წლის იანვარი-სექტემბერში რუსეთის სამხედრო ხარჯებმა 167 მილიარდი დოლარი შეადგინა, რაც 2024 წლის იმავე პერიოდის მონაცემზე 4-ჯერ მეტია.
• კლიუგეს გამოთვლით, 2022-2025 წლებში რუსეთმა 597 მილიარდი დოლარი დახარჯა.