ახალი ამბები

უკრაინის მეხუთე პრეზიდენტს და "ევროპული სოლიდარობის" ლიდერს, პეტრო პოროშენკოს, უკრაინის სახელმწიფო საზღვრის პოლონეთთან გადაკვეთის უფლება უკვე მეორედ არ მისცეს. ამის შესახებ "ევროპული სოლიდარობის" სახალხო დეპუტატმა ვიქტორია სიუმარმა ფეისბუქზე განაცხადა.

"ჩვენ ვნახეთ კანონის სამარცხვინო დარღვევა, როდესაც ოპოზიციური პოლიტიკური ძალის ლიდერი აბსოლუტურად უკანონოდ არ გაუშვეს უკრაინიდან. მას უმაღლესი რადას თავმჯდომარის, სტეფანჩუკის ოფიციალური ბრძანების საფუძველზე უნდა მიეღო მონაწილეობა ნატოს საპარლამენტო ასამბლეაში", - ამბობს დეპუტატი მიკოლა კნიაჟიცკი.

კიდევ ერთმა დეპუტატმა სოფია ფედინამ განაცხადა, რომ მესაზღვრეებმა პოროშენკო არ გაუშვეს, რადგან მას "საზღვარგარეთ წასვლის მიზეზი არ ჰქონდა".

პირველად პოროშენკოს საზღვრის გადაკვეთის უფლება 27 მაისს არ მისცეს, როგორც ამის შესახებ საპარლამენტო ფრაქცია "ევროპული სოლიდარობის" თანათავმჯდომარე ირინა გერაშენკომ განაცხადა.

18-დან 60 წლამდე უკრაინელი მამაკაცებისთვის საზღვარგარეთ გამგზავრება საომარი მდგომარეობის გამო აკრძალულია. ამ წესის რამდენიმე გამონაკლისი არსებობს, მათ შორის, სამი ან მეტი არასრულწლოვანი შვილის ყოლა.