სტოლტენბერგი: რუსეთმა უკრაინასთან ომში თავისი სახმელეთო ძალების 80% ჩართო
რუსეთმა უკრაინის წინააღმდეგ ომში თავისი სახმელეთო ძალების 80% ჩართო. ამის შესახებ ნატოს გენერალურმა მდივანმა იენს სტოლტენბერგმა 9 სექტემბერს, აშშ-ს სახელმწიფო მდივანთან ენტონი ბლინკენთან ერთობლივ ბრიფინგზე განაცხადა.
უკრაინისთვის იარაღის მიწოდების შესახებ შეკითხვაზე სტოლტენბერგმა ხაზგასმით აღნიშნა, რომ ნატოს ქვეყნები კიევისთვის სამხედრო დახმარების გაწევით აძლიერებენ ალიანსის უსაფრთხოებას და ამტკიცებენ, რომ არ დაუშვებენ აგრესიას მათ საზღვრებთან.
"ამ მარაგების გამოყენება რეალურად გვეხმარება საკუთარი უსაფრთხოების ამაღლებასა და ნატოს წევრების წინააღმდეგ რუსეთის მხრიდან ნებისმიერი აგრესიული ქმედების რისკის შემცირებაში", - თქვა მან. "ნება მომეცით ასევე დავამატო, რომ რუსეთის სახმელეთო ჯარების 80%-ზე მეტი ახლა უკრაინის ომში ჩართულია. ასე რომ, რა თქმა უნდა, რაც იქ ხდება, მნიშვნელობა აქვს რუსეთის საერთო შესაძლებლობებზე, საფრთხე შეუქმნას ნატოს ნებისმიერ წევრს".
სტოლტენბერგის თქმით, ნატო მიესალმება უკრაინისთვის თავდაცვითი დახმარების გაწევას.
"მოვუწოდებთ მოკავშირეებს კიდევ უფრო მეტი მხარდაჭერისკენ და მოვუწოდებთ მათ ღრმად ჩასწვდნენ ინვენტარს, მარაგებს, სასწრაფოდ გააგრძელონ უკრაინისთვის საჭირო მარაგების მიწოდება. ჩვენ ვხედავთ, რომ ეს დიდ განსხვავებას ქმნის ადგილზე." - დაამატა მან.
