ახალი ამბები

აბუ-დაბიში მიმდინარე სამმხრივ მოლაპარაკებებზე რუსეთისა და უკრაინის დელეგაციების ხელმძღვანელებმა განაცხადეს, რომ არაბთა გაერთიანებულ საამიროებში გამართულ შეხვედრაზე მშვიდობის დაახლოებაზე იმუშავებენ.

რა თქვა: მოლაპარაკებების გახსნაზე გამოსვლისას, პრეზიდენტ ვლადიმირ პუტინის თანაშემწემ, ვლადიმირ მედინსკიმ აღნიშნა, რომ რუსული დელეგაცია იმედოვნებს, "დღევანდელი შეხვედრა წინგადადგმული ნაბიჯი იქნება მშვიდობისკენ მიმავალ გზაზე" რუსი და უკრაინელი ხალხების ინტერესებიდან გამომდინარე.

• "გადავედით მოლაპარაკებების სამმხრივ ფორმატზე: უკრაინა-აშშ-რუსეთი, - დაწერა "ტელეგრამში" აბუ-დაბიში უკრაინის მომლაპარაკებელთა ჯგუფის ხელმძღვანელმა რუსტემ უმეროვმა. 
• "დღის წესრიგშია საომარი მოქმედებების შეწყვეტისა და მშვიდობის დაახლოების საკვანძო საკითხები". - წერს უმეროვი.

კონტექსტი: რუსეთის, უკრაინისა და აშშ-ის სამმხრივი მოლაპარაკებები სამშაბათს არაბთა გაერთიანებული საამიროების დედაქალაქში დაიწყო და ორი დღე გაგრძელდება.