ახალი ამბები

ადამ კადიროვმა ჩეჩნური ელიტისა და თავისი ნათესავებისგან ძალოვანი "ქვედანაყოფი" შექმნა.

ჩეჩნეთის მეთაურის, რამზან კადიროვის ვაჟმა, 18 წლის ადამ კადიროვმა ახალი ძალოვანი "ქვედანაყოფი" დააარსა, რომელშიც მისი ახლო ნათესავები, მაღალჩინოსნების შვილები და მისი მცველები შედიან.

ვითარების არსი: იმის შესახებ, რომ ადამ კადიროვმა "გუნდი კ-13" დააფუძნა, ნათქვამია ინსტაგრამის ამავე სახელწოდების ანგარიშზე გამოქვეყნებულ პოსტსა და ფოტოში.

• "ესენი არიან სიტყვის, პატივისა და დისციპლინის ადამიანები, რომლებიც მზად არიან შეასრულონ ნებისმიერი დავალება, ადგილისა და დროის მიუხედავად. საქმისადმი ერთგულება, გადაწყვეტილება და პასუხისმგებლობა არის პრინციპები, რომლებითაც ხელმძღვანელობს გუნდი კ-13". – ნათქვამია პოსტში.
• თვითონ ფოტოზე, კადიროვის გარდა, კიდევ 18 ადამიანია აღბეჭდილი. ყველა მათგანი პოზირებს იარაღით ხელში. გამოცემა "ვიორსტკამ" დაადგინა ფოტოზე წარმოდგენილთა უმრავლესობის ვინაობა.
• მათი ნახევარზე მეტი კადიროვების ოჯახის ნათესავები ან რესპუბლიკის მაღალჩინოსნებისა და ძალოვანების შვილები არიან.

ჩაშლილად: სოციალურ ქსელში გამოქვეყნებულ ფოტოზე არიან: 

• იაკუბ ჭალაევი - ჩეჩნეთის შსს პოლიციის სპეცპოლკის ხელმძღვანელის, ზამიდ ჭალაევის 21 წლის შვილი.
• დოკა აიდამიროვი - რამზან კადიროვის ცოლის, მედნის 21 წლის ძმისშვილი.
• შამილ ირასხანოვი - გროზნოს შსს უფროსის, აპტი ირასხანოვის 36 წლის ნათესავი.
• ახმატ ვისმურადოვი - რესპუბლიკის ვიცე-პრემიერის, აბუზაიდ ვისმურადოვის 21 წლის ძმისშვილი.
• რამზან დაუდი - ჩეჩნეთის პრემიერ-მინისტრის, მაგომედ დაუდის 18 წლის შვილი.
• რამზან მაცუევი - აიშატ კადიროვის ქმრის 18 წლის ძმა.
• აბუბაქარ კადიროვი - ჩეჩნეთის მეთაურის 30 წლის ძმისშვილი.
• მინკაილ უსმანოვი - რამზან კადიროვის ცოლის, მედნის 23 წლის ძმისშვილი.
• ხას-მაგომედ ნაურბიევი - "ახმატის"  ერთ-ერთი მეთაურის, მაგომედ (ადამ) ნაურბიევის 19 წლის შვილი.

წინარე ისტორია: "კ-13" არის ადამ კადიროვის პირადი ბრენდი, რომელიც ჩეჩნეთის ლიდერის შვილმა 2026 წლის გაზაფხულზე დაარსა.

• ამ ბრენდის გამოვიდა ენერგეტიკული სასმელი, ასევე ფუნქციონირებს ძვირადღირებული მანქანების გაქირავების სერვისი.
• "გუნდი კ-13" არაფორმალური "ქვედანაყოფია", სოციალურ ქსელებსა და ჩეჩნურ მედიაში მისი საქმიანობის შესახებ არანაირი ხსენება არ არის.