ახალი ამბები

ჩინეთის სახელმწიფო უსაფრთხოების მინისტრის შეფასებით, ხელოვნური ინტელექტი მრავალგანზომილებიან საფრთხეს წარმოადგენს, მათ შორის კომუნისტური პარტიის ძალაუფლებისთვისაც. 

ვითარების არსი: ამის შესახებ ჩენ ისინი ახალი ტექნოლოგიის შესახებ გამოქვეყნებულ სტატიაში წერს - ეს ყველაზე მაღალი დონის და ყველაზე დეტალიზებული ხედვაა, თუ როგორ აფასებს პეკინი ხელოვნური ინტელექტის განვითარებასთან დაკავშირებულ რისკებს. 

• თავის სტატიაში ჩენ ისინი წერს, რომ საჭიროა პარტიის მეტი კონტროლი ახალ ტექნოლოგიაზე და ეს აუცილებელია პოლიტიკური სტაბილურობის დასაცავად. 
  
  
• ამავე სტატიაში ხელოვნური ინტელექტის მოწინავე ამერიკული მოდელები დასახალებულია როგორც კიბერ სივრცეში ახალი რისკების მაგალითად. 
  

ჩაშლილად: სტატიის მიხედვით, AI-ის უცხოურ მოდელებს ჩინეთის უსაფრთხოების სამინისტრო განიხალავს როგორც საფრთხეს - მოსალოდნელია, რომ ამ საკითხზე ისაუბრებენ დონალ ტრამპისა და სი ძინფინგის მოახლოებულ შეხვედრაზე. 

• ჩენის მიერ ჩამოთვლილ რისკებს შორისაა მასშტაბური პროპაგანდისტული და დეზინფორმაციული კამპანიები, მათ შორის კომპარტიის ლიდერების DeepFake ვიდეოების გავრცელება, ასევე მასშტაბური კიბერშეტევები ჩინეთის კრიტიკულ ინფრასტრუქტურაზე და მნიშვნელოვანი მონაცემების გაჟონვა. 
  

კონტექსტი: გასულ დღეებში ხელოვნური ინტელექტის წამყვანი კომპანიების ლიდერები გამოვიდნენ მოწოდებით მოხდეს ტექნოლოგიის უფრო მკაცრი რეგულირება და შემუშავდეს საერთო ჩარჩო.

• მოწოდებებს წინ უძღოდა ერთ-ერთ წამყვანი მოდელის მწარმოებელი Anthropic-ის ყოფილი თანამშრომელის განცხადებები, რომლის მიხედვითაც ტექნოლოგია უკონტროლოდ ვითარდება და მომდევნო 10 წლის განმავლობაში შეიძენს უნარს "გაანადგუროს მთელი კაცობრიობა. 
  
  
• ხელოვნური ინტელექტის უკონტროლო განვითარებასთან დაკავშირებული შიშები განსაკუთრებით გახშირდა გასულ ზაფხულში კომპანია OPENAI-ის ხელოვნური ინტელექტის აგენტების მიერ ჩადენილი პირველი კოორდინირებული დანაშაულის შემდეგ.