ახალი ამბები

გერმანიის თავდაცვის მინისტრმა ბორის პისტორიუსმა ჩეხეთის თავდაცვის მინისტრ იარომირ ზუნასთან შეხვედრის შემდეგ განაცხადა, რომ გერმანია კიდევ 300 მილიონ ევროს გამოყოფს უკრაინისთვის ჭურვების მიწოდების ჩეხური ინიციატივისთვის. 

ვითარების არსი: ეს თანა საკმარისი იქნება უკრაინისთვის დაახლოებით 50 ათასი ჭურვის შესასყიდად.

• "გერმანია მნიშვნელოვან როლს ასრულებს, როგორც სამხედრო ტექნიკისა და საბრძოლო მასალის მიმწოდებელი და ჩვენს თავდაცვის ინდუსტრიასთან ერთად მნიშვნელოვანი წვლილი შეაქვს ევროპის უსაფრთხოებაში," - განაცხადა ჩეხეთის თავდაცვის მინისტრმა ბერლინში ვიზიტის დროს.
• მან ხაზი გაუსვა იმ პასუხისმგებლობას, რომელიც გერმანიამ ევროპის უსაფრთხოებასა და თავდაცვაზე აიღო.

სტრიქონებს შორის: შეხვედრის შემდეგ პისტორიუსმა გამოაცხადა, რომ ბერლინი დამატებით 300 მილიონ ევროს გამოყოფს საბრძოლო მასალის მიწოდების ჩეხური ინიციატივისთვის.

• მან ინიციატივას უწოდა "მნიშვნელოვანი ინსტრუმენტი იმ ქვეყნის დასახმარებლად, რომელიც უკვე მეხუთე წელია წინააღმდეგობას უწევს რუსეთის აგრესიას, და მადლობა გადაუხადა ჩეხეთს მისი გაგრძელებისთვის."
• გერმანია არის უკრაინისთვის ჭურვების მიწოდების ჩეხური ინიციატივის უდიდესი უცხოელი დონორი, რისთვისაც გასულ წელს ჯამში ერთი მილიარდი ევრო გამოყო.

დიდი სურათი: ჩეხეთმა პროექტი 2024 წელს აამოქმედა, ძირითადად ყოფილი პრემიერ-მინისტრის პეტრ ფიალას და პრეზიდენტ პეტრ პაველის მხარდაჭერით.

• ინიციატივის მოქმედების მექანიზმი ასეთია: ჩეხეთი, სხვადასხვა დონორების დაფინანასებით, მსოფლიო ბაზრებზე მსხვილკალიბრიან ჭურვებს ყიდულობს და შემდეგ უკრაინას უგზავნის.
• ჩეხეთის ახალი მმართველი კოალიცია განიხილავდა ამ მექანიზმის შეწყვეტის შესაძლებლობას. საბოლოოდ გადაწყდა ჩეხეთის ადმინისტრაციული და ორგანიზაციული როლის შენარჩუნება, თუმცა სახელმწიფო უშუალოდ შესყიდვებში აღარ მონაწილეობს.