ახალი ამბები

დონალდ ტრამპის წარმომადგენლები უკვე მოსკოვში იმყოფებიან და ვლადიმირ პუტინთან შესახვედრად ემზადებიან - კრემლში განაცხადეს, რომ მომდევნო 3 დღის განმავლობაში კიევს არ შეუტევენ. 

ვითარების არსი: ჯარედ კუშნერის და სტივ უიტკოფის თვითმფრინავი მოსკოვის, ვნუკოვოს აეროპორტში დაახლოებით 1 საათის წინ დაეშვა - ტრამპის ემისრებს აეროპორტში რუსეთის საინვესტიციო ფონდის უფროსი, კირილ დმიტრიევი დახვდა. 

• ეს კუშნერისა და უიტკოფის პირველი ვიზიტია რუსეთში მიმდინარე წლის იანვრის შემდეგ. 

ჩაშლილად: პარასკევს, თეთრი სახლში ჟურნალისტებთან ურთიერთობისას ამერიკელმა პრეზიდენტმა განაცხადა, რომ მისი ემისრები მოსკოვში სამშვიდობო წინადადებით მიემგზავრებიან. 

• "ჩვენ გვაქვს სამშვიდობო იდეა. მათ ომის დასრულების წინადადება ჩააქვთ. ჩვენ უნდა ვნახოთ შეიძლება თუ არა რამე გამოგვივიდეს და შესაძლოა ამის არც ისე ცუდი შანსი გვაქვს"- თქვა ტრამპმა. 
  

სიღრმისეულად: მოსკოვში ამერიკული თვითმფრინავის დაჯდომის შემდეგ, კრემლის პრესსპიკერმა, დმიტრი პესკოვმა განაცხადა, რომ ვლადიმირ პუტინის განკარგულებით რუსეთის არმია მომდევნო 3 დღის განმავლობაში არ შეუტევს კიევს. 

• 24 საათით ადრე ვოლოდიმირ ზელენსკიმ გამოაცხადა, რომ მომდევნო დღეების განმავლობაში უკრაინა შეწყვეტს დარტყმებს რუსეთის ტერიტორიაზე. 
• დასავლური მედიის ცნობით, ამ თხოვნით მხარეებს ამერიკელმა შუამავლებმა მიმართეს. 
  

კონტექსტი: მოსკოვიდან ჯარედ კუშნერი და სტივ უიტკოფი უკრაინაში გაემგზავრებიან - ეს ტრამპის სპეციალური წარმომადგენლების პირველი ვიზიტი იქნება უკრაინაში.