ახალი ამბები

2026 წლის 3 ოქტომბერს ლატვიის საპარლამენტო არჩევნები გაიმართა.

სეიმის არჩევნებში მოქმედი პრემიერ-მინისტრის, ანდრის კულბერგსის პარტიამ Apvienotais Saraksts (ითარგმნება როგორც გაერთიანებული სია) მოიპოვა გამარჯვება.

ვითარების არსი: პრემიერ-მინისტრის პარტიამ ამომრჩეველთა ხმების 35.3% მიიღო.

• პარტია სეიმში 100-დან 42 სავარძელს მიიღებს - ეს ლატვიის არჩევნების ისტორიაში რომელიმე პოლიტიკური ძალის მიერ მიღწეული რეკორდული შედეგია.
• მეორე ადგილი 13.1%-ით დაიკავა პარტიამ LPV (ლატვია უპირველეს ყოვლისა), მესამეზე 11.8%-ით გავიდა ბლოკი Suverena vara (სუვერენული ხელისუფლება)
• სეიმში სულ ექვსი პარტია მოხვდა.
• ამომრჩეველთა აქტივობამ 51,8% შეადგინა - ეს ლატვიის სეიმის არჩევნების ისტორიაში ყველაზე დაბალი მაჩვენებელია.

კონტექსტი: კულბერგსი აქტიურად უჭერს მხარს უკრაინას რუსული აგრესიის წინააღმდეგ ბრძოლაში. იგი გამოდის უკრაინისადმი პოლიტიკური, ეკონომიკური და სამხედრო დახმარების გაგრძელების ინიციატივით.

• LPV-ის ლიდერი ბიზნესმენი და პოპულისიტი კონსერვატორი პოლიტიკოსი აინარს შლესერსია, რომელსაც მედიაში "ლატვიელ ტრამპად" მოიხსენიებენ. 
• შლესერსი რუსეთს აგრესორად მიიჩნევს, თუმცა მთავრობას უკრაინის დახმარებისთვისა და რუსეთთან ვაჭრობის შეწყვეტის გამო აკრიტიკებს.
• "გაერთიანებული სია" და LPV დიდი ალბათობით კოალიციურ მთავრობას შექმნიან.
• მესამე ადგილზე გასული პარტია Suverena Vara პრორუსული ძალაა.