ახალი ამბები

ილონ მასკი მზად არის, უკრაინას Starlink-ის სისტემით აღჭურვილი უპილოტო საფრენი აპარატების გამოყენების ნებართვა მისცეს რუსეთის სიღრმეში დარტყმებისთვის. ამის შესახებ მასკმა მანამდე უკრაინის თავდაცვის ყოფილ მინისტრს, მიხაილო ფედოროვს განუცხადა.

ინფორმაციას ამის შესახებ Financial Times-ი ავრცელებს.

ვითარების არსი: გამოცემის წყაროების განცხადებით, მასკმა უკრაინულ მხარეს განუმარტა, რომ მიუხედავად მისი თანხმობისა, აღნიშნული გადაწყვეტილება პოლიტიკური ხასიათისაა და ის თეთრმა სახლმა უნდა მიიღოს.

• FT აღნიშნავს, რომ აშშ-ის პრეზიდენტი დონალდ ტრამპი ამ ეტაპზე ამაზე თანახმა არ არის.

წინარე ისტორია: მანამდე უკრაინის პრეზიდენტმა ვოლოდიმირ ზელენსკიმ მასკს თხოვნით მიმართა, დაერთო ნება Starlink-ით აღჭურვილი დრონების გამოყენებაზე რუსეთის საზღვრის სიღრმეში, 200 კმ-ის მანძილზე, რათა გაენადგურებინათ ბალისტიკური რაკეტების გამშვები დანადგარები.

• უკრაინის თავდაცვის ყოფილი მინისტრის, მიხაილო ფედოროვის შეფასებით, ეს გადამწყვეტ როლს ითამაშებდა უკრაინის ქალაქების სარაკეტო თავდასხმებისგან დაცვაში.
• FT-სთან ინტერვიუში ფედოროვმა უარი თქვა მასკთან საუბრების დეტალების გამჟღავნებაზე და არ გააკეთა კომენტარი გამოცემის წყაროების ინფორმაციაზე მილიარდერის მზადყოფნის შესახებ.
• უკრაინის თავდაცვის ყოფილმა მინისტრმა არც იმ შეკითხვას უპასუხა, გეგმავს თუ არა მასკთან შეხვედრას და მხოლოდ ის აღნიშნა, რომ მასთან კონტაქტს ინარჩუნებს.