ახალი ამბები

ჯიორჯა მელონის მინისტრთა კაბინეტი მეორე მსოფლიო ომის შემდეგ იტალიის ყველაზე ხანგრძლივად მოქმედი  მთავრობა გახდა. 

არსებული ვითარება: 4 სექტემბერს მელონის მთავრობას 1413 დღე შეუსრულდა, რითიც გააუმჯობესა სილვიო ბერლუსკონის მეორე კაბინეტის მიერ დამყარებული რეკორდი 2001-2005 წლებში. 

• იტალიის რესპუბლიკის 80-წლიანი ისტორიის განმავლობაში 68-დან არცერთ მთავრობას არ დაუსრულებია თავისი 5-წლიანი ვადა.
  
• მელონის კაბინეტი ახალი რეკორდის აღსანიშნად იტალიის სამხრეთში, ქალაქ ბარიში საზეიმოდ შეიკრიბებიან წინასაარჩევნო ღონისძიებაზე. 

ჩაშლილად: "სტაბილურობა არ არის სატრაბახო - ეს მინიმალური პირობაა, რომელიც ერს დაგეგმვის, გადაწყვეტილებების მიღების, ნაკისრი ვალდებულებების შესრულებისა და პატივისცემის დამსახურების შესაძლებლობას აძლევს. ჩვენი მთავრობის მიღწევები თვალსაჩინოა, მაგრამ ჩვენ ასევე გვესმის თუ რამდენი რამ გვაქ გასაკეთებელი"- წერს მელონი თავის სოციალურ ქსელში

• მელონიმ, რომელიც 2022 წლის ოქტომბერში იტალიის პირველი ქალი პრემიერ-მინისტრი გახდა პრაგმატული მიდგომის მეშვეობით შეძლო თავიდან აეცილებინა კრიზისები და კოალიციური მოკავშირეების განდგომა, რაც მისი წინამორბედი მთავრობების წარუმატებლობის ყველაზე ხშირი მიზეზი იყო. 
  
  
• მაშინ, როდესაც უწყვეტი პოლიტიკური კრიზისებისა და არასტაბილურობის ფონზე ევროპის სხვა უმსხვილეს სახელმწიფოებში რამდენიმე მთავრობა შეიცვალა მელონიმ შეძლო იმავე კოალიციის შენარჩუნება, რომლითაც დაიწყო მმართველობა. 

კონტექსტი: მოსალოდნელია, რომ სტაბილურობა მელონის მომდევნო საარჩევნო კამპაანიის ერთ-ერთი მთავარი თემა და საყრდენი იქნება, რომელიც 2027 წლის მიწურულსაა ჩანიშნული.