ახალი ამბები

ChatGPT-ის შექმნელმა, კომპანია OpenAI-მ აღიარა, რომ მისი უახლესი ხელოვნური ინტელექტის მოდელებზე მომუშავე პროგრამა, უსაფრთხოების ტესტირებისას, კონტროლიდან გამოვიდა და სხვა სტარტაპის სისტემა გატეხა.

ინფორმაციას ავტონომიური კიბერშეტევის შესახებ გამოცემა BBC ავრცელებს.

ვითარების არსი: OpenAI-ის მიერ 21 ივლისს გამოქვეყნებული განცხადების თანახმად, გასულ კვირას, კონტროლირებად გარემოში შემოწმებისას, მისმა აგენტმა - პროგრამამ, რომელსაც ადამიანის დავალებით ავტონომიურად მოქმედება შეუძლია - ტესტის ფარგლებს თავი დააღწია.

• ამის შემდეგ პროგრამამ Hugging Face-ი, AI მოდელების გაზიარების ერთ-ერთი უდიდესი პლატფორმა გატეხა და კომპანიის შიდა სისტემებში შეაღწია.
• OpenAI-მ მომხდარს უპრეცედენტო უწოდა და განაცხადა, რომ Hugging Face-თან ერთად ინციდენტის მიზეზებსა და გარემოებებს იკვლევს.
• Hugging Face-ის ხელმძღვანელმა, კლემან დელანგმა X-ში დაწერა: "შოკისმომგვრელია, რომ ეს ყველაფერი სრულიად ავტონომიურად მოხდა".
• "გამოძიება გრძელდება და მოგვიანებით გაგიზიარებთ დასკვნებს ამ, სავარაუდოდ, პირველი მსგავსი შემთხვევის შესახებ" - დასძინა დელანგმა.

ჩაშლილად: 16 ივლისს გავრცელებულ პირველ განცხადებაში Hugging Face-მა აღნიშნა, რომ ჯერ კიდევ ამოწმებს, დაზარალდა თუ არა მომხმარებლებისა და პარტნიორების მონაცემები.

• ამასთან, კომპანიამ დაადასტურა, რომ ინციდენტის შედეგად გამოვლენილი ხვრელები უკვე დახურა.
• "ხელოვნურ ინტელექტზე მომუშავე ავტონომიური კიბერშეტევის ინსტრუმენტები უკვე აღარაა მხოლოდ თეორია". - განაცხადა Hugging Face-მა.