ახალი ამბები

საფრანგეთის პრეზიდენტობის კანდიდატებმა უკრაინის დახმარების საკითხზე იკამათეს - მიზეზი ულტრა-მემარჯვენე პარტიის დაპირებაა, რომ არჩევნებში გამარჯვების შემთხვევაში შეწყვეტენ უკრაინის დახმარებას. 

ვითარების არსი: ონლაინ კამათი პარტია "ეროვნული გაერთიანების" ლიდერს, მარინ ლე პენსა და საფრანგეთის ყოფილ პრემიერ-მინისტრს, ედუარდ ფილიპს შორის გაიმართა. 

• კამათის მიზეზი "ეროვნული გაერთიანების" ვიცე-პრეზიდენტის ლუი ალიოს კომენტარი გახდა, რომელმაც BFMTV-ის ჟურნალისტის მიერ დასმულ კითხვაზე განაცხადა, რომ მათი კანდიდატის გამარჯვების შემთხვევაში "გადაკეტავდნენ ონკანს" - უკრაინის დახმარებას. 
  
  
• "განათლების სისტემა და ჯანდაცვა მთელი ეკონომიკა გამოფიტვის ზღვარზეა, მაგრამ კვლავ პოულობენ ფულს იარაღის დასაფინანსებლად, მაგრამ ვინ იხდის ამის საფასურს"- თქვა ალიომ. 

ჩაშლილად: ალიოს კომენტარს გამოეხმაურა ედუარდ ფილიპი, რომელიც ამ მომენტისთვის პარტია Horizons-ის ლიდერი და ერთ-ერთი ძლიერი საპრეზიდენტო კანდიდატია. 

• "ონკანის გადაკეტვა რუსეთის სამსახურში ჩადგომის ტოლფასია. უკრაინის დასუსტება, რისკენაც მიისწრაფვის მარინ ლე პენი საფრთხეს უქმნის ევროპის და საფრანგეთის უსაფრთხოებას. ყველაფერს გავაკეთებ იმისთვის, რომ ამ პროცესს ხელი შევუშალო"- თქვა ფილიპმა. 
  
  
• ფილიპს მალევე და მკვეთრად გამოეხმაურა ლე პენი და განაცხადა, რომ საერთაშორისო არენაზე მისი მიღწევების ჩამონათვალი ისეთივე მწირია როგორც პრემიერის პოსტზე = "ომის დაწყების მომენტიდან მოვოწუდებდი საფრანგეთს მოეწვია დიდი სამშვიდობო კონფერენცია და ხელი შეეწყო ამ საშინელი ომის დასრულებისთვის, რომელმაც უკვე იმსხვერპლა 2 მილიონი ადამიანი."
  
  
• საპასუხოდ ფილიპმა ლე პენს მოსკოვთან ახლო კავშირები შეახსენა და ის "სისუსტესა და კრემლის პოზიციაზე დანაშაულებრივ მორგებაში" ამხილა - "არის დიქტატორი-აგრესორი და არის დემოკრატია, რომელსაც თავს დაესხნენ, მათი გათანაბრება არა დიპლომატია, არამედ დანაშაულებრივი სისუსტეა." 

კონტექსტი: საპრეზიდენტო არჩევნები საფრანგეთში ტრადიციულად 2 ტურად მომდევნო წლის მაის-ივნისში გაიმართება.

• ფრანგული ტელევიზიების (M6; RTL) დაკვეთით აგვისტოში ჩატარებული საზოგადოებრივი აზრის კვლევებით მარინ ლე პენი არჩევნების პირველ ტურში სოლიდურ უპირატესობას ინარჩუნებს (35%) ყველა კანდიდატთან. 
  
  
• ედუარდ ფილიპს რეიტინგი ამ კვლევის მიხედვით 17% შეადგენს - დაახლოებით ამ დონეზეა ულტრა-მემარცხენე პარტიის, 75 წლის ლიდერის, ჟან-ლუკ მელონშონის მხარდაჭერაც, თუმცა ფილიპისგან განსხვავებით ბოლო თვეებში მისი რეიტინგი მზარდია.