ახალი ამბები

18 აგვისტოს უკრაინამ მოსკოვის ოლქს 600-ზე მეტი უპილოტო საფრენი აპარატით შეუტია. ადგილობრივი ხელისუფლების ცნობით, მათგან 180 "განადგურდა."

ვითარების არსი: ღამით მოსკოვის მერმა სერგეი სობიანინმა დაიწყო ინფორმაციის გავრცელება ჩამოგდებული დრონების შესახებ, "რომლებიც მოსკოვისკენ მიფრინავდნენ." ერთ საათზე ნაკლებ დროში მან 23 უპილოტო საფრენი აპარატის ჩამოგდების შესახებ განაცხადა.

• თავდასხმის შედეგების შესახებ რუსეთის ხელისუფლებასა და მედიას ტრადიციულად არაფერი უთქვამს.
• სობიანინის განცხადებებში აღნიშნულია მხოლოდ ის, რომ "საგანგებო სამსახურების სპეციალისტები ნამსხვრევების ჩამოვარდნის ადგილებზე მუშაობენ."

სტრიქონებს შორის: რუსულ სოციალურ მედიაში ქვეყნდებოდა დრონების გადაფრენისა და რუსული საჰაერო თავდაცვის მუშაობის ფოტო და ვიდეომასალა.

• "როსავიაციამ" განაცხადა მოსკოვის აეროპორტების: ვნუკოვოს, დომოდედოვოს, ჟუკოვსკისა და შერემეტევოს მუშაობაში შეზღუდვების დაწესების შესახებ.
• რუსულმა პროპაგანდისტულმა გამოცემა TASS-მა გავრცელა ინფორმაცია, რომ "უსაფრთხოების ზომებიდან გამომდინარე დაწესებული შეზღუდვების გამო, 8 ავიაბორტმა მოსკოვში დაჯდომა ვერ შეძლო."

დიდი სურათი: მოგვიანებით სობიანინმა აღნიშნა, რომ ორშაბათის საღამოდან მოსკოვს 600-ზე მეტი უკრაინული უპილოტო საფრენი აპარატი დაესხა თავს.

• "გუშინდელი საღამოდან დღევანდელი დილის 5:00 საათამდე პერიოდში მოსკოვის ოლქის მიმართულებით 620 უპილოტო საფრენი აპარატი მიფრინავდა, მათგან 180 განადგურებულია მოსკოვის ოლქში. ნამსხვრევების ჩამოვარდნის ადგილებზე საგანგებო სამსახურები მუშაობენ." - ხაზი გაუსვა მან.
• მოსკოვზე უპილოტო აპარატების ამ თავდასხმას რუსულმა მედიამ "ბოლო ორი წლის განმავლობაში ყველაზე მასშტაბური" უწოდა.
• დილის 6 საათისთვის სობიანინმა განაცხადა კიდევ 7 თითქოს ჩამოგდებული დრონის შესახებ, "რომლებიც მოსკოვისკენ მიფრინავდნენ."
• უკრაინულმა დრონმა მოსკოვის ოლქის ბოგოროდსკის რაიონის "ატლანტ-პარკის" ზონაში მდებარე Wildberries-ის საწყობი დააზიანა, რის შედეგადაც ხანძარი გაჩნდა. კომპანია Wildberries-ის პრესსამსახურმა ასევე დაადასტურა ინფორმაცია მოსკოვის ოლქში ლოგისტიკური კომპლექსის დაზიანების შესახებ.