აშშ-ის პრეზიდენტ დონალდ ტრამპს სურს, რომ შემოდგომაზე ჩრდილოეთ კორეის ლიდერ კიმ ჩენ ინს შეხვდეს ბირთვულ პროგრამაზე მოლაპარაკებების განახლების მიზნით. ამის შესახებ 18 აგვისტოს, The Wall Street Journal ამერიკელ ოფიციალურ პირებზე დაყრდნობით წერს.
ვითარების არსი: გამოცემის ცნობით, შეხვედრა შესაძლოა ნოემბერში შედგეს, როდესაც ჩინეთის ქალაქ შენჯენში აზიურ-წყნაროკეანური ეკონომიკური თანამშრომლობის (APEC) სამიტი გაიმართება.
- ამასთან, WSJ-ის წყაროები აღნიშნავენ, რომ შეხვედრის ოფიციალური მომზადება ჯერ არ დაწყებულა.
- მანამდე ტრამპმა სამხრეთ კორეასთან აშშ-ის ერთობლივი სამხედრო სწავლებების მასშტაბის შემცირების შესახებ განაცხადა და ჩრდილოეთ კორეის ლიდერს მშვიდობის დამყარება შესთავაზა.
სტრიქონებს შორის: ტრამპის პირველ საპრეზიდენტო ვადაში კიმ ჩენ ინი და აშშ-ის ლიდერი ერთმანეთს სამჯერ შეხვდნენ, თუმცა მოლაპარაკებები ჩრდილოეთ კორეის ბირთვული ინფრასტრუქტურის დემონტაჟზე უშედეგოდ დასრულდა.
- WSJ-სთან საუბარში სტენფორდის უნივერსიტეტის უსაფრთხოებისა და საერთაშორისო თანამშრომლობის ცენტრის ფხენიანის ბირთვული პროგრამის ექსპერტმა ჯეფრი ლუისმა განაცხადა, რომ მას შემდეგ ჩრდილოეთ კორეის ბირთვული არსენალი მნიშვნელოვნად გაიზარდა.
- "ასობით გამშვები დანადგარისა და ყოველწლიურად წარმოებული პლუტონიუმისა და მაღალგამდიდარებული ურანის მზარდი მოცულობის მიხედვით, ჩრდილოეთ კორეის არსენალი ამჟამად, სავარაუდოდ, რამდენიმე ასეულ ერთეულს ითვლის," - ხაზს უსვამს ლუისი.
დიდი სურათი: 2025 წელს დონალდ ტრამპმა აზიაში თავისი ტურნეს დროს კიმ ჩენ ინთან მოლაპარაკებების გამართვის სურვილი უკვე გამოთქვა.
- ამერიკელი ოფიციალური პირების თქმით, ფხენიანმა შეხვედრისთვის მზადყოფნის შესახებ მიანიშნა, თუმცა მისი მოკლე ვადებში ორგანიზება ვერ მოხერხდა.
- მოგვიანებით ტრამპმა განაცხადა, რომ მსგავს სამიტს შესაძლოა დაეჩრდილა მისი დაგეგმილი შეხვედრა ჩინეთის ლიდერ სი ძინფინთან სამხრეთ კორეაში.
დაკავშირებული თეგები
