ახალი ამბები

ვოლოდიმირ ზელენსკის ცნობით, უახლოეს დღეებში ამერიკის შუამავლობით განახლდება მოლაპარაკებები რუსეთთან - სავარაუდოა, რომ დონალდ ტრამპის წარმომადგენლები ეწვევიან მოსკოვს და კიევს. 

არსებული ვითარება: დაგეგმილი შეხვედრების შესახებ უკრაინის პრეზიდენტმა ყოველდღიური ვიდეო მიმართვაში განაცხადა. 

• "ჩვენ ვიმედოვნებთ, შევხვდეთ ამერიკის პრეზიდენტის წარმომადგენლებს აქ, კიევში. გვაქვს დასტური. ისინი შეხვედრებს გამართავენ მოსკოვშიც. იმედი გვაქვს, რომ შეხვედრები უახლოეს დღეებში შედგება. ეს ძალიან მნიშვნელოვანია"- თქვა ზელენსკიმ. 
  
  
• ცნობების დადასტურების შემთხვევაში ეს დონალდ ტრამპის ემისრების პირველი ვიზიტი იქნება კიევში. 

ჩაშლილად: რუსეთის სახელმწიფო საინფორმაციო სააგენტოს (TACC) ცნობით, ჯარედ კუშნერი და სტივ უიტკოფი ჯერ მოსკოვში ჩავლენ და იქიდან კიევში გაემგზავრებიან - წყაროს ცნობით, ვიზიტი 5-6 სექტემბერს შედგება. 

• დამოუკიდებელი უკრაინული გამოცემა Kyiv Independent-ის წყაროს ცნობით, კიევში ვიზიტი დაგეგმილია, თუმცა შესაძლოა მაინც გაუქმდეს, რადგანაც უიტკოფი თავს არაკომფორტულად გრძნობს. 
• "რუსებს არ უნდათ, რომ ისინი კიევში ჩამოვიდნენ და კუშნერი ტრადიციულად ძალიან მგრძნობიარეა მათი სენტიმენტების მიმართ. მათ ეუბნებიან, რომ კიევში ჩასვლა საშიშია." 

კონტექსტი: ამერიკის შუამავლობით რუსეთისა და უკრაინის მოლაპარაკებები მიმდინარე წლის თებერვალში ტრამპის ადმინისტრაციის მიერ ირანის წინააღმდეგ დაწყებული ომის შემდეგ შეჩერდა. 

• უკრაინული მხარე უკვე მრავალი თვეა ითხოვს ტრამპის წარმომადგენლების ჩასვლას კიევში, რომელშიც ამ დრომდე არ ყოფილან.