უკრაინის პრეზიდენტის აპარატის უფროსის მოადგილემ, კირილო ტიმოშენკომ Telegram-ზე განაცხადა, რომ რუსები 29 სექტემბერს საღამოს კამიკაძე დრონებით ოდესასა და ნიკოლაევს დაესხნენ თავს.
"საჰაერო თავდაცვის ძალებმა ზღვის თავზე 3 უპილოტო საფრენი აპარატი ჩამოაგდეს, ქალაქ ოდესის უშუალო სიახლოვეს. მტრის დრონები კვლავ რჩება ცაში. ბრძოლა გრძელდება", - წერს ტიმოშენკო.
ნიკოლაევში, რეგიონული-სამხედრო ადმინისტრაციის უფროსის მოადგილის თქმით, უპილოტო საფრენი აპარატი ჩამოვარდა და ერთი კამიკაძე-დრონი კი ინფრასტრუქტურულ ობიექტს დაეცა. ტიმოშენკომ აღნიშნა, რომ ნიკოლაევში აფეთქების ადგილზე უკვე მუშაობენ მაშველები და სასწრაფო დახმარება.
