ახალი ამბები

9 ივლისის ღამეს, რუსეთის ქალაქებში - ტვერსა და სტავროპოლის მხარის მიხაილოვსკში, უკრაინულმა დრონებმა ნავთობპროდუქტების შესანახი ბაზები დაბომბეს.

ვითარების არსი: დამოუკიდებელი რუსული გამოცემა ASTRA-ს ცნობით, დარტყმების შედეგად ორივე ობიექტზე ხანძარი გაჩნდა.

• თვითმხილველთა ვიდეოების OSINT-ანალიზის თანახმად, სტავროპოლის მხარის შპაკოვის რაიონის ქალაქ მიხაილოვსკში უპილოტო საფრენმა აპარატებმა "ლუკოილ-იუგნეფტეპროდუქტის" ნავთობბაზა დაბომბეს.
• ეს საწარმო ნავთობპროდუქტების შენახვის, გადატვირთვისა და რეალიზაციისთვის გამოიყენება რუსეთის სამხრეთსა და ცენტრალურ ნაწილში.

სტრიქონებს შორის: სტავროპოლის მხარის გუბერნატორმა, ვლადიმერ ვლადიმეროვმა დაადასტურა თავდასხმის ფაქტი, თუმცა დარტყმის ადგილს "სამრეწველო ობიექტი" უწოდა.

• გარდა ამისა, ამავე ღამეს დრონები თავს დაესხნენ "ტვერნეფტეპროდუქტის" ნავთობბაზას ქალაქ ტვერში, რომელიც მოსკოვის ჩრდილოეთით მდებარეობს.
• სოციალურ ქსელში გამოქვეყნებულ ვიდეოჩანაწერებში ჩანს ხანძარი, ობიექტის ტერიტორიიდან ალი და კვამლი ამოდის.

დიდი სურათი: ადგილობრივი ხელისუფლებისგან ტვერის ნავთობბაზაზე ხანძრის მასშტაბებისა და დაშავებულების შესახებ ინფორმაცია ჯერჯერობით არ გავრცელებულა.

• უკრაინის თავდაცვის ძალები რეგულარულად ბომბავს რუსეთის ნავთობგადამამუშავებელ ინდუსტრიასა და საწვავის საცავებზე. აღნიშნული ობიექტები კანონიერი სამხედრო სამიზნეა, რადგან ისინი უკრაინის წინააღმდეგ ომში რუსულ არმიას საწვავით ამარაგებენ.