ახალი ამბები

ცენტრალური სადაზვერვო სააგენტოს დირექტორის, ჯონ რეტკლიფის ვიზიტი ვლადიმირ პუტინმა დასავლეთის სისუსტედ აღიქვა და ესკალაციისთვის ემზადება. 

ვითარების არსი: ამის შესახებ ინფორმაციას კრემლის ელიტაში თავის წყაროებზე დაყრდნობით Washington Post ავრცელებს.

• წყაროს ცნობით, რეტკილიფის ვიზიტის მიზანი უკრაინის ომთან დაკავშირებული საკითხები იყო. 

ჩაშლილად: ვითარებაში გაცნობიერებული წყარო რეტკლიფის გზავნილის შინაარსს შემდეგნაირად აღწერს: "თქვენი საქმე კარგად არ მიდის, მოლაპარაკებების დროა, რადგანაც აქედან 12 თვეში თქვენი მდგომარეობა უფრო უარესი იქნება." 

• ამასთანავე რეტკლიფი ცდილობდა თავისი რუსი კოლეგების დარწმუნებას, რომ უკრაინელები არანაირი პირობებით არ გავლენ დონბასიდან. 
  
• ვაშინგტონში დაბრუნების შემდეგ, რეტკლიფმა განაცხადა, რომ მან გზავნილი ჩაიტანა, თუმცა არ არის დარწმუნებული, რომ ეს ვითარებას შეცვლის. 

სტრიქონებს შორის: გაზეთის რუსული წყაროების ცნობით, პუტინი კვლავ დარწმუნებულია, რომ უკრაინის წინააღმდეგ ომში არსებითი უპირატესობა აქვს და კიევის წინააღმდეგობის გატეხვა კვლავ დროის საკითხად მიაჩნია. 

• ერთ-ერთი წყაროს შეფასებით, დონბასის მთელი ტერიტორიის დაკავება ვლადიმირ პუტინისთვის მინიმალური პროგრამაა, რომლის მიღწევის გარეშე ის მოლაპარაკებებსაც არ დაიწყებს. 
  
• "კრემლში არსებობს აზრი, რომ ომის კიდევ რამდენიმე თვით გაგრძელება რუსეთის ეკონომიკისთვის პრობლემა არ იქნება, მაშინ როდესაც ეს შესაძლოა დამანგრეველი აღმოჩნდეს უკრაინისთვის"- ამბობს ერთ-ერთი წყარო. 
  
• გაზეთის ცნობით, თავად რეტკლიფის ვიზიტი სისუსტის ნიშნად აღიქვა და სწორედ ამის პასუხია კიევისა და უკრაინის უმსხვილესი ქალაქების უწყვეტის მასირებული სარაკეტო და დრონების დარტყმები. 

კონტექსტი: ჯონ რეტკლიფი მოსკოვს 25 აგვისტოს ეწვია - ვიზიტის მიზნებზე დასავლური პრესა სხვადასხვა ცნობებს ავრცელებდა. 

• New York Times-ის ცნობით, რეტკლიფმა მოსკოვს შეთანხმების წინადადებები გადასცა; Axios-ის ცნობით, CIA-ის დირექტორმა რუს კოლეგებს სამმხრივი სამიტის ორგანიზება შესთავაზა პუტინის, ტრამპის და ზელენსკის მონაწილეობით.
  
• Wall Street Journal წერდა, რომ ვიზიტის კიდევ ერთი მიზანი იყო პუტინის გაფრთხილება ნატოს წევრ სახელმწიფოებზე დაუშვებლობის შესახებ. 
  
• რუსული დამოუკიდებელი მედია Агенство-ს ცნობით, თავდაპირველად პუტინი მზად იყო რეტკლიფთან შესახვედრად და მხოლოდ მას შემდეგ გადაიფიქრა, რაც მისი გზავნილის შინაარსი გააცნეს.