ახალი ამბები

უკრაინის პრეზიდენტის განცხადებით, რუსეთის ისტორიაში პირველი შემთხვევაა, როდესაც მას სტრატეგიული რეზერვი აღარ გააჩნია.

მან აღნიშნა, რომ რუსეთს პირველად არ შეუძლია ომის წარმოება ჩრდილოეთ კორეის დახმარების გარეშე.

ვითრების არსი: ორშაბათს ზელენსკიმ განაცხადა, რომ მიღებულია გადაწყვეტილება რუსეთის ტერიტორიაზე კიდევ 30,000-დან 50,000-მდე ჩრდილოეთ კორეელი ჯარისკაცის გაგზავნის შესახებ.

• გარდა ამისა, მან აღნიშნა, რომ მოსკოვმა ფხენიანისგან ბალისტიკური რაკეტების დამატებითი პარტიაც მიიღო.

რეალობის შემოწმება: სამშაბათს დილით, რუსეთის მიერ უკრაინაზე განხორციელებულ მასშტაბურ შეტევას სულ მცირე 9 ადამიანი ემსხვერპლა, 19 კი დაშავდა.

• პრეზიდენტ ვოლოდიმირ ზელენსკის განცხადებით, საჰაერო იერიშისას რუსეთმა ჩრდილოეთ კორეული ბალისტიკური რაკეტებიც გამოიყენა, თუმცა კიევს ჩრდილოეთ კორეული რაკეტების გამოყენების მტკიცებულება საჯაროდ ჯერ არ წარუდგენია.
• ამასთანვე, სამხრეთ კორეას ჯერ არ დაუდასტურებია ინფორმაცია ჯარების ახალი ნაკადის გაგზავნაზე.

რატომ არის მნიშვნელოვანი: სამხრეთ კორეა კვლავ უარს აცხადებს უკრაინისთვის საბრძოლო შეიარაღების გადაცემაზე, მიუხედავად იმისა, რომ კიევი მოსკოვს ჩრდილოეთ კორეული რაკეტებისა და ჯარისკაცების გამოყენებაში ადანაშაულებს.

• სამხრეთ კორეის საგარეო საქმეთა სამინისტროს მაღალჩინოსანმა განაცხადა, რომ სეულის სამხედრო ექსპორტი ეროვნული კანონმდებლობით რეგულირდება და საჰაერო თავდაცვის სისტემებზე კიევის მოთხოვნას ქვეყნის პოლიტიკა არ შეუცვლია.
• ოფიციალური სეული უკრაინას ეხმარება ჰუმანიტარული, ენერგეტიკული, ინფრასტრუქტურული, ჯანდაცვისა და განათლების პროექტებით, თუმცა საბრძოლო იარაღის მიწოდებაზე უარს ამბობს.

დიდი სურათი: 2024 წლის ივნისში რუსეთსა და ჩრდილოეთ კორეას შორის ხელი მოეწერა ურთიერთდაცვის ხელშეკრულებას.

• ფხენიანი მოსკოვს დიდი რაოდენობით იარაღითა და საბრძოლო მასალით ამარაგებს, ხოლო ათასობით ჩრდილოეთ კორეელი ჯარისკაცი უკვე მონაწილეობდა კურსკის ოლქში მიმდინარე ბრძოლებში.

• რუსეთმა მკვეთრად გაზარდა ბალისტიკური რაკეტების გამოყენება უკრაინული ქალაქების წინააღმდეგ.

• ამ ტიპის რაკეტების ჩამოგდება რთულია, რის გამოც კიევი დასავლურ Patriot-ის სისტემების რაკეტებზე მწვავე დეფიციტს განიცდის.