ახალი ამბები

უკრაინის პრეზიდენტმა ვოლოდიმირ ზელენსკიმ განაცხადა, რომ 6 ივნისის ღამეს უკრაინულმა დრონებმა რუსეთში, ლენინგრადის ოლქში არსებული საბრძოლო მასალის საცავები და ბაზა დაბომბეს.

ვითარების არსი: "დროა ეს ომი დასრულდეს. მაგრამ რუსეთის ლიდერს ომი უნდა. ამიტომაც, ამ აგრესიის გამო უკრაინული სანქციები მოქმედებს. გასულ ღამეს ჩვენმა დრონებმა დაახლოებით 1000 კილომეტრის მანძილი გაიარეს პეტერბურგის რეგიონამდე - მტრის სამხედრო-საზღვაო ფლოტის არსენალებამდე და კრონშტადტის ბაზამდე." - წერს ზელენსკი სოციალურ ქსელში.

• "ასევე, ჩვენმა 'შორ მანძილზე მოქმედმა სანქციებმა' დაახლოებით 500 კილომეტრი გაიარეს კრასნოდარის მხარემდე და დაბომბეს ნავთობბაზა. რუსეთმა უნდა დაასრულოს ომი და შეწყვიტოს თავდასხმები. უკრაინის მიმართ უსამართლობის ნებისმიერი გამოვლინება მიიღებს სამართლიან პასუხს." - აღნიშნა მან.

სტრიქონებს შორის: ზელენსკიმ ხაზი გაუსვა, რომ ამ დარტყმებზე უკრაინის შეიარაღებულმა ძალებმა, უსაფრთხოების სამსახურმა და სამხედრო დაზვერვამ  ერთობლივად იმუშავეს.

• 6 ივნისის ღამეს რუსეთის რეგიონები და უკრაინის დროებით ოკუპირებული ტერიტორიები უპილოტო საფრენი აპარატების მასირებული თავდასხმის ქვეშ მოექცა.
• დარტყმების შედეგად ხანძარი გაჩნდა ნავთობბაზებზე, ასევე დაზიანდა მარიუპოლისა და კრონშტადტის პორტის ინფრასტრუქტურა.