ახალი ამბები

გერმანიის ქრისტიან-დემოკრატიული პარტიის ლიდერმა არმინ ლაშეტმა მიანიშნა, რომ არჩევნებზე პარტიის ისტორიაში ნაჩვენები ყველაზე ცუდი შედეგის გამო გადადგომას აპირებს.

ქრისტიან-დემოკრატები მეორე ადგილზე გავიდნენ და 24.1% მიიღეს. მათ 2017 წელთან შედარებით 6.5 მილიონით ნაკლები ხმა მიიღეს.

პრეს-კონფერენციაზე ლაშეტმა თქვა, რომ პარტიაში შიდა დაპირისპირებები უნდა დასრულდეს. ქრისტიან-დემოკრატების ლიდერობიდან ანგელა მერკელის წასვლის შემდეგ პარტიამ ახალი ლიდერი ორჯერ აირჩია. ქრისტიან-დემოკრატების ლიდერობის კანდიდატები ცენტრისტი არმინ ლაშეტი და უფრო მემარჯვენე-კონსერვატორი ფრიდრიხ მერცი იყვნენ.

"საჭიროა პარტიის შიდა განახლება, მათ შორის თავმჯდომარის და პოლიტიკური საბჭოს", - აღნიშნა ლაშეტმა.

მისი თქმით, პარტიაში საჭიროა ახალი ადამიანები, ისინი ხელისუფლებაში იქნებიან თუ ოპოზიციაში.

ლაშეტმა განაცხადა ისიც, რომ მისი პარტია ისევ ღიაა მოლაპარაკებებისთვის მწვანეებთან და თავისუფალ დემოკრატებთან.