კამერუნში ხანძრის შედეგად 16 ადამიანი დაიღუპა
კამერუნის დედაქალაქ იაუნდეში, ღამის კლუბში გაჩენილ ხანძარს მინიმუმ 16 ადამიანი ემსხვერპლა. დაშავებულია მინიმუმ 8 ადამიანი.
ცეცხლი ფეიერვერკის გაშვებამ გააჩინა.
სამაშველო სამსახურები შენობაში მყოფი ადამიანების ძებნას აგრძელებენ და მსხვერპლის რაოდენობა შეიძლება გაიზარდოს.
საავადმყოფოსთან, სადაც დაშავებულები გადაიყვანეს, მათი ასობით ნათესავია შეკრებული.